Gear噏

港共喺大規模DQ後將選舉推遲一年，由人大委任嘅「臨時立法會2.0」即將來臨。中共容許全數議員續任，現屆議員面對去留兩難，或者回顧 #香港歷史 可以帶俾我哋一啲啟示。大局已定1990年代，中英已經簽署咗聯合聲明，基本法亦起草完畢，即使經過六四屠城，亦無改香港前途嘅去向。

香港人喺國安法嘅恐懼下，各個抗爭戰線都好似無以為繼。民主派初選係重燃抗爭嘅契機，我哋必須要好好珍惜每一個反抗機會。振奮士氣國安法下嘅香港進入政治寒冬，抗爭陣營士氣低落，慢慢失去抗爭意志同希望。假如初選有好多人投票，即代表香港人仍然會堅定抗爭，排隊投票嘅靚畫面將會大大提升士氣。

國安法就嚟到，時代革命將會進入新一階段，7.1 需要象徵意義上嘅突破，我哋需要黃黑作為革命符號。黃絲、黃雨傘、黃頭盔、黃店，黃色就係代表香港人嘅顏色。Blackbloc、黑衫、黑紫荊、黑旗，黑色就係時代革命嘅象徵。黃黑旗 - 光復革命旗黃色代表光復（即將到來嘅黎明），黑色代表革命（黎明之前嘅黑夜）。

最近民主派初選搞到滿城風雨，身邊唔少人都討論緊自己嗰票要點投，但到底大家對議會戰線睇得有幾深入呢？35+近乎冇可能當初有人提出民主派要取得過半議席，目的係取得立法會否決權，用制度手段迫使政府回應訴求。我哋認同35+係一個破局機會，但提倡35+嘅人一直強調抗爭陣營只要團結一致，就可...

二零一九年六月十五號，著住黃色雨褸嘅佢企喺太古廣場上，拉起寫上「五大訴求」雛形嘅橫額。你同佢素未謀面，亦唔知佢叫咩名，但你為佢而憂心。夜晚九點，政權將一個年輕生命推向深淵，義士捨身成仁，令你感受到生命嘅重量。你竟然為咗一個陌生人而抱頭痛哭，有如失去親人般悲痛不已。

兩年前嘅今日，梁天琦因暴動罪被重判六年監禁。一年前嘅今日，好多人喺煲底通宵留守，準備迎戰送中惡法。一年改變咗好多，我哋失去咗好多，同時又得到咗好多。一種改變以前會覺得香港人係自私自利，對政治漠不關心。過去一年，數以百萬嘅香港人走上街頭，不計較個人犧牲，但求用血汗改寫香港嘅未來。

面對極權降臨，我哋會迷失、恐懼，甚至想放棄。但你有冇諗過極權比我哋更加驚，所以先要出盡方法打壓？「攬炒」係香港2020年嘅關鍵詞，亦係重要嘅抗爭方向，但有幾多人真係明白「攬炒」嘅意思？攬炒嘅原意「攬炒」一詞興起全因為連登用戶「我要攬炒」。喺反送中初期，攬炒巴加入國際戰線，爭取取消...

警暴橫行，光復無期，好多人對抗爭都失去方向。漸漸「全民勇武」就變咗好多人嘅口頭蟬，逢親有咩風吹草動，就會有人彈句「全民勇武咪搞掂囉！」將抗爭失敗歸咎於香港人唔夠勇武，篤信勇武抗爭係唯一有效抗爭路線。「全民勇武」嘅討論好多時都缺乏內容同現實考量，只係不斷埋怨同指責。

琴日香港電影金像獎公佈得獎結果，大家留唔留意到有唔少合拍片攞獎呢？《葉問4》係親中奶共派之作，《少年的你》直程係連粵語都唔講嘅中國電影。下文唔評論電影質素嘅優劣，想探討嘅係電影對香港文化有咩咁重要。電影係文化載體電影係人造嘅藝術品，或多或少會承載住特定嘅文化。

大家喺五一黃金週有冇幫襯黃店呢？黃店因為抗爭而賺到盤滿缽滿，有人會話咁樣係食人血饅頭。嚟到心態武裝嘅第三集，Gear噏想講下經常被錯誤引用嘅「人血饅頭論」。人血饅頭論嘅典故「人血饅頭」一詞出自魯迅嘅短篇小說 《藥》，故事講述無知百姓華老栓誤信人血饅頭能醫百病，咁啱革命者夏瑜被處決...

「一國兩制」嘅喪鐘已經敲響，冇人可以獨善其身。二零二零年嘅下半年，香港政局勢必風雲色變。面對時代嘅洪流，我哋唔可以俾恐懼同絕望吞噬。香港民族要絕處逢生，需要嘅係最好嘅準備，最壞嘅打算。最好嘅準備七一立法會義士、《香港民族論》作者梁繼平認為，要破局，街頭抗爭、國際戰線、體制空間，三者缺一不可。

「唔啱聽嘅說話你想唔想聽？抗爭咗成年我發現咗啲嘢，你唔覺得有啲人好似買贖罪券嘅咩？雖然佢壓力大不過罪疚感好重，見到咁多手足受苦你就一定急住贖罪，尤其係宜家咁無助嘅時候，好多人都搵唔到方向。除非你改善到呢個現象，如果唔係你冇得同我中共鬥...中共鬥....」 第二集Gear噏想同大家講下「贖罪券心態」。

最近「鬥黃」風氣盛行，唔係一句「勿鬥黃」就解決到。背後其實反映緊幾個抗爭心態嘅問題。唔逐個解決嘅話，矛盾只會繼續出現。第一集Gear噏會講下好多人不知不覺地犯咗嘅教條主義。何謂教條主義教條主義係一種盲目遵從某啲標準或原則嘅態度。將理論當教條，思想僵化，唔理實際情況，否認「實踐係檢驗真理嘅標準」。

頭盔：本人曾為耶教徒，現為不可知論者，無意冒犯任何宗教 以下內容非耶教徒睇可能未必明／感受冇咁深。今日係耶穌受難節，對耶教徒嚟講意義重大。如果你每年都有紀念耶穌，請喺今年都特別紀念一班因愛你而受苦嘅手足。受難節的本質受難節嘅本質離唔開愛、受苦、得救、新生命。

1916年嘅復活節，愛爾蘭共和派發動咗一場起義。起義最終雖然失敗，但成為咗愛爾蘭獨立運動嘅轉捩點。同樣係追求自由同解殖嘅香港民族，可以點樣從呢段歷史中借鑒呢？宗教衝突與殖民統治愛爾蘭長期被英國殖民，主要矛盾係出於宗教原因。以新教為主嘅英國人，會逼害以天主教為主嘅愛爾蘭人。

大家成日話要反中反共，但你可能俾中共洗緊腦都唔知。語言唔係口舌之爭咁簡單，而係思想自由嘅鬥爭。今日想同大家分析下大家平時嘅用語有咩問題。語言控制思考模式喺喬治·奧威爾(George Orwell)嘅《一九八四》入面，極權創造咗一種人工語言 – 新語(Newspeak)。

武漢肺炎危害全世界，共慘黨打到嚟英國美國冇得避。我哋香港民族應該點樣理解世界大局，應該用咩心態迎接挑戰呢？今日想同大家分享下李怡先生同學者張倫嘅文章，加上個人小小見解。第三次世界大戰？法國學者張倫同專欄作家李怡認為，世界現正經歷緊「第三次世界大戰」。

四月一號，係愚人節，同時係香港一代巨星張國榮嘅死忌，對香港民族嚟講係個沉重嘅日子。你或者你嘅父母總會聽過佢嘅歌、睇過佢嘅電影，例如《追》、《為你鍾情》、《有心人》、《今生今世》、《左右手》。今日就等我哋一齊懷念下香港人嘅哥哥 – 張國榮。樂壇天皇 影壇巨星 「小小明星 凡人拍不出...

成日話香港係「文化沙漠」，其實唔係話香港冇文化，而係冇俾文化保存、發展嘅養份。我哋抗爭係為咗守護香港嘅獨特性，咁點解我哋要睇住香港文化喺沙漠中慢慢枯死呢？文化決定身份認同民族建構除咗需要「想像共同體」嘅主觀想像，仲需要共同語言、共同歷史、共同生活方式等客觀條件，即係共同文化。

「手足！前面係咪放咗TG？」 抗爭咗大半年，香港人、抗爭者會互相稱呼對方做「手足」。「手足」一詞聽落好普通，但其實對香港民族有著深遠嘅意義。手足相稱背後嘅意義「手足」一詞喺呢場革命入面，係出自於立法會議員鄺俊宇。喺六月初佢講過：「我唔要我嘅手足流血、我唔要我嘅手足受傷，我嘅手足係呢度嘅所有人。