梁天琦判刑

一早起身，香港面書被梁天琦判刑洗版。六年算輕算重？大家都有共識。不過我相信，梁天琦不會白坐。

一種感覺，好涼薄，好悲涼：其實香港已經進展到一個地步，年青人活躍社運，未坐過監，政治履歷表似乎未算完美。

一向未稱得上梁天琦支持者，不過上年睇過紀錄片《地厚天高》，開始對梁天琦改觀。事實上，香港電影金像獎初選，最佳電影以及新晉導演，我兩票都投《地厚天高》。亳無疑問去年唯一一部香港電影，令我感動。

一直覺得，當年梁天琦參選，香港稱得上支持民主群眾之中，可能有一半會拒絕投票支持，百份百爭議性人物。

一部紀錄片，《地厚天高》令部份人對梁天琦改觀，包括我。

一次審訊，再令好多人對梁天琦改觀，因為當梁天琦大可以流放美國，不過竟然選擇回港受審，願意面對刑責，其實非常震撼，畢竟香港人向來以醒目或者走捷徑而驕傲。

一個判決，將香港所有稱得上支持民主之群眾，都與梁天琦同一陣線。

一句到尾，最後裁決證明政權遠遠比大家想像之中，要蠢得多。想殺雞儆猴？結果反而令大家變得團結。你可以話我不知天高地厚，所以我相信，梁天琦不會白坐。