［減肥！］新手減肥各種的誤解!!! (1) - ...飲食篇 - 食少啲野喎....

另外最多人講，一家係食野食少啲就減到肥!

冇錯，你食少啲 一定瘦左，但有冇諗過你除左冇左脂肪仲冇埋一堆其他有用嘢。

其他營養，好似水份、蛋白質、維他命、礦物質、你都少左。呢啲直情影響你生命力。

蛋白質少左，肌肉易流失，仲會少左製造抗體，你會易病好多。少左賀爾蒙，令你好易情緒唔好，易嬲嬲豬，冇賀爾蒙都會令脂肪細胞控制唔到去消耗。

維他命，礦物質都係，好多身體運行微量元素都要佢地幫手。女人鈣同維他命都重要，骨同皮膚膠原蛋白都製造唔到。

你諗下如果你食少一半，你又會吸收呢啲野一半，個身體會點。

所以其他咩節食，甚至咩168 斷食我都唔會建議。同埋呢啲就算做一個月，你一唔做都好易反彈好Q 快，因為你生活習慣都唔係咁去食，夾硬減左又唔改其他習慣就等肥過。

個啲一日食幾個Pizza 幾支汽水，係要食正常番飲食均衡，唔係話要食少，食少個包Pizza ，可能都係冇營養。

何謂均衡，都係睇番個食物金字塔啦。你要食少啲係糖粉野，油多、炸野、有糖飲品個堆，蔬菜、高纖維(水浴或唔水浴) 個啲係要食多。每人其實唔同，運動量咁，如果你一星期都係運動得一小時，咁至少要唔飲有糖野，炸野，零食先啦。