抗癌日记(2021 年9 月27 日)

以下这一篇长文，是昨天（2021 年9月26日）我在教会分享这两年抗癌的故事的讲词：

(抱歉中间用了很多广东话/白话的字词，不是全天都是正规的中文，对于不是用广东话的读者可能会有点看得吃力。)

首先，好多谢各位弟兄姊妹，爸爸妈妈两边的亲戚屋企人，同远渡而来的朋友今日嚟到上水平安褔音堂去听我慨见证。感恩我今日仍然有生命气息，见到好多好熟悉的面孔，亦都有一啲我慨未相识，但系靠住上帝慨恩典我哋今日喺埋一齐，系呢个上帝的屋企听一听我呢两年如何面对癌症慨故事。我好希望呢个古仔，可以喺呢个城市咁艰难慨时候，同大家打打气，话俾大家听，无论点样样都好，千祈千祈唔好放弃。

等我简单介绍吓自己先，我叫廖卓贤，英文名叫亚Kent，系我中六慨时候开始返上平聚会，中学毕业之后就接受洗礼正式加入教会。过去成长有一段好长慨时间，我所认识慨信仰都只系停留喺知识的层面，虽然感恩、恩典、盼望信心，等等慨字眼成日都喺我身边出现，但渠哋始终无进入我个心入面。信仰好似知识慨追求，返教会、祈祷、圣餐大部份慨时间都系行礼如仪，冇乜感受可言，庆幸过去成长慨日子一切平顺，就算出现问题都系庸人自扰，自己性格所造成。

然而在两年前，2019年慨三月11号，系我返新工慨第一日，我收到报告证实咗我患上鼻咽癌，根据医生的判断系属于第三期。其实之前真系冇乜先兆，系除咗痰有血，同瞓觉鼻鼾比较大声之外，基本上系冇办法提前知道。果一晚我同女朋友返咗屋企食饭，话俾屋企人听呢个消息，大家都好伤心好难接受。食饭之前我同女朋友行咗返屋企，我嗰时个脑其实一片空白，完全谂唔到点样面对，好在屋企人同女朋友比我冷静，话俾我听无论点样约我地都系一齐面对，我个心先定返落嚟。

之后就系做一啲治疗前的预备功夫，包括剥晒啲智慧齿，因为接受化疗同电疗护理口水分泌比较少，长远牙齿比较容易受到细菌慨感染，患上蛀牙亦都比常人难于处理。有剥牙过程其实都好感恩，身为医生太用力慨缘故，将工具折断遗留咗喺牙肉入面。当时我已经痛到冇感觉，全凭医生细心检查用具，先至及时将嗰部份慨金属残肢攞返出嚟。

然后再开始做第一次慨化疗同电疗，33次慨电疗㗎七次慨化疗，喉咙一个礼拜比一个礼拜痛，由原本可以食嘢，到只能够食流质食物，到最后能够饮营养奶去维持足够慨营养同体重。因为医生吩咐，治疗成功与否慨关键，就系落唔能够维持体重，所以女朋友同家人都用尽渠哋慨方法，去鼓励我坚持饮食，就算喉咙再痛都好，要靠止痛药勉强减轻痛楚，因为渠哋慨爱，我都忍耐落去。我仲记得有几次，我望住啲营养奶，知道饮落去会好辛苦 ，我就攞起女朋友鼓励我治病特登tailor-made慨电话壳，上面写住 you are stronger than you think，然后鼓起勇气将支奶饮落去。

呢一句说话到依家都带比我好奇妙慨力量，我能够比自己想像慨坚强，因为系背后有上帝无限慨恩典，直到如今渠都冇令到我怀疑渠，加上我女朋友同家人无限慨爱，包容同体谅，先至可以将一啲超越我个人范围以外，出人意外慨平安同力量支持住我。

虽然治疗后的康复进度非常之理想，好快就可以去打羽毛球，出街同有正常的社交生活，但系癌症好似始终都未能断尾。系同年慨七月我接受第二次的电疗，10月再接受一次手术，清除鼻咽同左边颈部淋巴肿瘤慨癌组织。我本来以为挨左咁多次治疗，应该终于可以好返，但上帝好似好睇得起我呀，继续要我喺呢个抗癌路上面奋斗落去。我仲记得渠朋友慨一个婚宴上面，我发现自己右边颈又出现咗一个硬块，当时我心里面充满无比的恐惧，担心癌症再次复发。我拉咗女朋友出去酒楼外面，同渠讲如果返发我就唔想医，因为好害怕嗰啲治疗慨副作用，包括持续唔停慨耳呜，作闷作呕，头痛。女朋友安慰我，同我讲有啲咩野我哋都可以一齐面对，喺之后慨半年我反覆检查左几次，医生都以为系良性慨肿瘤，但去到2020年慨六月抽血睇癌指数，发觉渠又再升高，我就隐约觉得癌症可能再次返黎。

我仲记得收到报告嗰日，我完全谂唔到任何野，脑里面充满恐惧同担忧。我唔敢返屋企，只系疯狂咁打俾我女朋友同阿妹，叫渠地黎陪我。最后我搭的士的返咗去粉岭的一个公园，妹妹嚟咗陪我。我坐喺公园嗰度不停喊不停喊，妹妹揸住我只手，话俾我听万大事都有渠系度，上帝系会听我祷告。我沉溺左一段时间，最后鼓起勇气再次接受治疗，系七月接受第二次手术。

手术之后慨最大后遗症，就系两边颈都好崩紧。我由好唔适应，都慢慢习惯，到最后如果唔理会渠的话就好似唔存在。其实去到而家，我身体都会有一啲喺以前我会觉得极度难受慨毛病，包括廿四小时听到自己心跳啦，廿四小时长期慨颈部崩紧，间竭性慨听力衰退啦，口水分泌少所以吞咽比较困难啦，右边鼻孔长期鼻塞啦，会突然流大量的鼻血，同右眼慨视力因为肿瘤慨扩大，虽然短暂恢复正常视力，但系而家睇嘢都系好模糊啦。呢啲嘢系我未病之前，甚至乎系第一次复发慨时候，我都系相当恐惧的，但随着时间过去，嗰份出人意料慨平安同勇气，令我慢慢慢慢接受渠哋。我好明白以廖卓贤咁固执慨性格，系冇可能凭自己慨力量去克服渠地，而且唔去埋怨唔去怪责上帝。呢份的平安同勇气，完完全全系上帝慨恩典。

手术之后过咗几个月风平浪静的日子，可惜喺10月慨时候突然发觉右视力开始有啲差，之后慨抽血检查发觉癌指数又再度升高，做电子扫描之后发现癌症复发。因为肿瘤的位置靠近脑部，医生唔建议再做手术，所以系采取一个叫舒缓性慨化疗治疗方案。 11月开始再做第二次慨化疗，庆幸药物慨治疗效果相当理想，视力恢复左，系打针慨呢四个几五个月里面，我可以如常咁生活。

但系风平浪静慨日子又好快完结啦，喺今年复活节慨时间我持续发烧，原本安排咗喺化疗停咗之后会转一只口服慨化疗药，但系因为发烧的缘故，肿瘤科医生唔建议我立即开始治疗。因为高烧始终未退，我入咗医院住咗两个几礼拜。因为之前化疗药效慢慢消退，肿瘤开始大返，我慨右眼视力慢慢变差，喺短短一个礼拜里面，我由视力正常到完全乜嘢都睇唔到。我仲记得嗰日系医院呀，我喺病房外面等专科医生等咗足足接近两个小时，我不停喺WhatsApp group里面同女朋友和弟兄姊妹投诉，都见到医生渠同我讲只眼冇得救㗎啦，我睇完渠之后成个人崩溃咗，因为女朋友同妹妹都返紧工，所以我只好打俾我以前的传道人诗韵姐，我同渠讲呢个世界系冇上帝，就算有渠都喺度玩紧我，医生话冇得救ga la，系完完全全慨绝望。我慨悲伤渠感受到，当我团契慨弟兄姊妹知道呢个消息慨时候，渠哋都不停为我祈祷，希望上主会怜悯我，比到一条出路我去行落去。同一晚好夜，约莫10点几，女朋友收工之后约埋阿妹一齐去病房探我。渠哋虽然好努力咁安慰我，但系我除咗适合揸住渠哋只手喊之外，我唔能够讲任何慨说话同比任何慨反应。

之后嗰几日我喺病床上面，除咗食饭同埋瞓觉之外，不停咁样谂我应该点样继续生活落去。虽然系痛苦里面，但我知道我自己始终都唔想死，我想继续生活落去，我想睇到我阿妹结婚，我想同我女朋友grow old together 一起变老。依家谂返转头，我相信系圣灵慨工作， 让我可以从极度混乱慨情绪里面冷静落嚟，得出一个好似好简单但系其实好重要的结论：既然我选择咗无论点都要生存落去，咁如果继续生命但系沉溺喺埋怨同悲伤里面，咁样慨生命唔单止浪费，而且更加系一种折磨。

如果要生存落去，就一定要快乐，就一定要相信上帝系预备最好的比我。因为呢个信念，我慢慢平静落嚟，亦都珍惜呢段住院慨时间，打电话俾弟兄姊妹同屋企人，关心渠哋，同话比渠哋听我真系好爱好爱渠哋，因为我很重视与珍惜和每一个人建立的关系，它们都是我生命里最大的资产。

好在上帝始终留返一个出口俾我。大概几日之后有一个更加专门慨视神经专科医生再去检查我慨眼睛，然后话俾我听我的视神经唔系完全咁样萎缩死亡，系仲有可能会回复部分视力㗎。两个礼拜后，医生始终都搵唔到任何原因点解唔持续发烧，做咗好多检查都搵唔到任何细菌感染慨症状，所以就放咗我出院。休息几日之后就开始食返口服化疗药继续治疗，感恩慨系虽然呢一只系二线慨口服药，效果理应系冇打针注射慨咁有效，但系渠都能够帮助回复部分慨视力同听觉，让我慢慢慢慢咁样重拾正常慨生活。

大约三个星期前开始，我接受咗另一场的挑战，因为要转换另一种的化疗药物，所以由手脚爆裂破损的问题，改变成为双脚麻痹，乏力支撑不到身体，加上鼻塞的情况。睡眠质素在今次的疗程有明显的变差，加上可能就快会甩晒的头发，这一场又是不容易打的硬仗。

讲咗咁耐，其实我系好想借呢个机会，起大家面前去回应一个好贴地好实在的问题，就系「点解好像我这样，每对如此巨大的苦难的人为什么还是不愿意放弃」。当身体的痛楚是这样大这样难受，心理的包袱是这样沉重，为身边最亲的人带黎咁大的照顾压力，为什么还要走落去？放弃不是更好吗？不是更加合理吗？我为什么肯定坚持下去一定会有盼望？为什么明天一定会比今天快乐？

原谅我不能带比大家一个完美无瑕的答案，苦难有何意义？保持希望有什么的原因，这么问题我真系唔能够回答，或者呢一切只系上帝希望我们的人生能够学到的一些事情，然而学习到的是什么呢？

“我并不是因缺乏说这话；我无论在什么景况都可以知足，这是我已经学会了。 我知道怎样处卑贱，也知道怎样处丰富；或饱足，或饥饿；或有余，或缺乏，随事随在，我都得了秘诀。 我靠着那加给我力量的，凡事都能做。”

‭‭腓立比书‬ ‭4:11-13‬ ‭

我无论在什么情况都可以知足。

因为如果我们每一刻都感受到生命的喜悦，生活的平安，感受到一切都系有根有据，系一个神秘，人不可知，超乎我们想像的伟大计划里面的其中一个部份，或者死亡慨威胁就不会这样大，我们也可以真正安然无惧活在这一刻，享受这一秒。

我深信上帝的爱与关怀是无处不在的，无论在教会，在最光明的地方，或是最黑暗的角落，祂都是与我们同在，（PS 因为PowerPoint 赶不切预备，所以最后这一段我并没有「照稿读」)，所以我想和大家分享一首流行曲中的一段歌词，总结我这个未完故事怎样回应「为什么在苦难中还要坚持盼望，还要拒绝放弃」这个问题：

谁要盘算会转几个弯 wo~

（期待明天可惊叹）

全意陶醉于景色变幻

唯求留下证明

人呼吸时光有限

没有给你拣

没有给我拣

但无悔是有

这天

一刻的冀盼

愿一切荣耀颂赞归与我们天上的父