賣橙者言:原來唔使受害,都可以做受害者
![](https://imagedelivery.net/kDRCweMmqLnTPNlbum-pYA/prod/embed/87463970-cb30-418a-be27-b4180bc2ba1c.webp/public)
(原刊於 端木皚 Facebook)
原來呢個世界,唔使真正受害,都可以做受害者。
求其寫幾個咩 #孤兒寡婦 既字喺塊面度,再放兩個 #師母 同 #牧師仔 既 #光環 喺個頭度,就會有一大堆人當你係 #孤苦無依 既 #受害者,唔理事實,唔講證據,而且仲會 #大發熱心 幫你手將仍然清醒講證據講事實既人 #釘十字架 添(註一)。
#南深圳政府 當日夠每日喺度話我地 #傷害十三億人民感情 啦,話我地連 #身為中國人既基本常識 都唔識,譴責果班 #破壞社會安寧 既 #暴徒 連 #基本守法意識 都無:「暴力就是暴力,不對就是不對。另一種不對,不使這種不對更對一點。另一種對,也不使這種不對更對一點」(註二),點解啲人又唔去安慰下 #比卡超 同 #雜種?
(我當年回應「暴力就是暴力」神邏輯既文章會一小時後再貼出來)
#普京 出兵烏克蘭,都一樣話係北約先挑釁,佢只係逼不得已 #維護大俄羅斯領土主權完整 咋,你又使唔使去莫斯科給 #普總統 一個深情的擁抱?
Boris Johnson 一樣話自己係國會班友羊群心理逼走自己架,又話係傳媒逼害佢架,係班「留歐派」因為不滿佢成功帶領英國脫歐(成功就唔會咁多手尾啦呀 #莊漢生先生)所以陰謀逼宮啦。使唔使俾呀 #莊生 個地址你送紥花去?
點解你唔覺得 #比卡超 或者 #普總統 或者 #莊生 可憐?因為你會考慮客觀環境,審視佢地宣稱既 plausibility,然後(合理地)結論,佢地既宣稱水份甚多,根本不可信:與其話佢地係受害人,不如話佢地令好多人受害仲好。
你可能以為成件 #師母真理教 爭議只有一個(或三個)受害人,其實只係因為其他被佢(地)高舉既「尚方寶劍」bully 同斬到一頸血既受害人無日日拎住個大聲公向全世界廣播佢地有幾慘而已(亦都係因為嚇到不敢出聲):自從我開始就這個議題發聲,不知有幾多人走來跟我說我說了他/她們不敢說的話:對,你沒有聽錯,是「不敢」說。為什麼不敢?因為有「胖虎」在網路甚至現實世界 bully 佢地囉。
其實胖虎從來都不可怕,因為最後可能仍然會有多啦A夢救你,靜香亦會過黎安慰你:最可怕既係扮成大雄既胖虎:佢會有能力帶住小夫,然後聯合多啦A夢甚至靜香「伸張正義」,殺了人還要不見血,而且仲可以一副楚楚可憐受害人的樣子。
如果講下就係受害人,咁我都講啦:我係你地「弟兄中最小的一個」,係手無寸鐵手無縛雞之力既文弱書生,係每日被人喺網路辱罵我卑鄙無恥下流賤格邪惡歹毒偽善居心叵測巧言令色長文難聽過粗口(下刪三千字 - 呢個又真係唔係作)留言轟炸的 victim,我精神壓力很大,每天失眠,飲食失調,然後每次打開電話都有 PTSD 驚得心搖手顫添。
點呀?仲唔快啲搵人黎可憐一下我(同埋俾我 bully 下)?
長大啦,小朋友。
註一:最有喜感既係 so far 最多證據其實係來自佢地:即係佢地喺死無對證既情況下,連自圓其說既能力都冇:咁真係同食舊豆腐都哽死無咩分別;咁講其實又真係幾 #慘慘豬 既。
註二:胡燕青教授的大義凜然名句
喜欢我的作品吗?别忘了给予支持与赞赏,让我知道在创作的路上有你陪伴,一起延续这份热忱!
![](https://imagedelivery.net/kDRCweMmqLnTPNlbum-pYA/prod/avatar/1c47659a-6879-433e-a0b2-62f72b8a1ec9.jpeg/public)
- 来自作者
- 相关推荐