很久沒更 生活變化

2024年6月12日
很久沒有更新我的讀後感,畢竟這段日子成長很多, 也有很多的變化, 當中包括成為人夫, 成為租戶, 成為需要做家務, 成為需要學習設計家居的人等等, 發現的不止是科技的偉大, 像是洗碗機, 吸塵機, 能大大方便我們日常所需的家務時間, 更多的是女方, 父母, 原來為我們付出了很多卻不自知, 難怪很多人長大後, 會變得愈來愈孝順, 這不限於自己成為父母, 更多的是知道生活很多東西事情, 家人已經幫你安排得妥妥當當。

詳細的有怎麼去使用洗衣機, 怎麼去使用水波爐, 怎麼去使用吸塵機, 怎麼去組裝傢俱, 怎麼去設計家居擺位, 像是透過一些Youtube平台教學去參考別人的做法(Never too small)等等, 當然也有使用「淘寶」, 完全感受到祖國的便宜和質素十分利害, 每一次購買都像抽盲盒一樣, 不論是送錯貨物, 極多灰塵, 甚至是東西損壞, 客服跟我們說沒有考慮過「美觀」問題(買了一個數百塊的鐘), 真是一個頂級的客服。

要講的內容當然也包括我在2024年5月15日結婚的大喜日子, 最讓我喜歡的必然是愛的宣言和致詞的部分, 因為這些內容都是暫時總合了我人生想親口講給他們的內容, 每個人都十分重要。

我都想在這擺放我在婚禮上致詞的講稿...以作紀錄

注:廣東話
「親愛的婆婆 Daddy 媽咪 細妹 嘉如既Daddy 媽咪 哥哥 以及 一眾親戚,老闆 同事 （望一望同事果面）同學 朋友

大家好

好感激各位能夠出席我同嘉如既婚禮

呢場婚禮並唔容易, 講緊既當然唔係我同嘉如之間既關係,

而係林林種種,各式各樣不同的安排及設計, 中間真係十分之多野

包括頭上面既燈想要咩色, 雪糕車想要咩味, 想擺邊到等等等等

甚至有我個好朋友話，

結婚是兩個人的事，點舉辦婚禮、邀請D乜人，甚至決定不邀請誰，

都應該由我們決定。

畢竟呢一日，我們是主角

而且現在很多人選擇旅行結婚，簡單又省錢，

為什麼還要在香港搞這麼盛大的婚禮呢？

聽了這些，我思考了一段時間，現在我想我找到了答案。

想同果位朋友講, 亦都同大家講

起我心目中

這場婚禮主角並不是我 楊官禧 亦都不是我太太嘉如 而是在座每一位

因為我既成長經歷 漕遇過既事 你們都有參與其中

我既性格 因咩事而開心

因咩事會焦慮,傷心, 難過

甚至是笑點的高低

或是大家現在所睇到我既外表 我既形象

在坐每一位確實都有影響着我們

包括經常接觸既家人 到比較少聊天既親戚朋友 甚至乎我今日先第一次見面既嘉如親戚

不誇張咁講

我是大家既製成品

只是每個人所貢獻既程度不同

無你地 就冇呢一刻我 而我都幾滿意及喜歡既自己

無你地都未必有呢場婚禮 更不會有我起到跟大家致辭

當然影響得最深最遠既係我既爸爸媽媽

我擁有你地的善良, 擁有你地既溫柔, 擁有你地既幽默, (雖然你地不自知), 擁有你地對我既付出, 對我既愛。

也許你地有時候睇唔到, 但外面的人都睇到 感受到。

畢竟, 有一句說話講得好岩, 孩子是父母的複製品。

佢地所支持的我,所歡呼既我 其實都是你們一生的成就之一。

雖然我同細妹有時會埋怨過, 你既安排, 你既囉唆, 你獨特表達既「愛」,

我地知你盡力了, 你將你覺得最好既都貢獻哂比我地, (大聲)雖然有時係錯方法, 錯方式, 但我地都好感激有你, 有爸爸這個家, 如果真係有來世我好希望你再為我辛勞多一次。(辛勞係開關引號)

當然結婚不代表結束, 而是新開始, 也許你要照顧多一個「新抱」。

回歸主題 (手勢)

因此你地先係主角

請容許我起到感謝各位來賓既出現

這不限於這場婚禮 更多是感謝在我的生命中出現

當然仲有鏡頭中的你

因為時間有限 人既注意力都有限 言語更加有局限

大家見門口都見到我擺設左三本書

分別是「小王子」 李商隱 和 guess how much I love u

都係想表達出今日我對大家, 對嘉如 對家人的感受。

雖然三位作者處於不同國家,不同時代, 不同教育。

但佢地表達出一個共同意思 就係 重要的當西 唔可以用眼 唔可以用言語 就能夠去表達出來。

所以我地經常聽到李商隱的詩, 例如: 昨夜星辰昨夜風 及 相見時難別亦難,

他都是用 「無題」去作為佢大部分詩詞既名,

並不是佢懶 而是愛好難用文字 言語去一一一一表達

讓我地盡在不言中

所以我今日 點到即止  我將支咪交比我太太 嘉如」

明天開始我會保持更新這些讀後感內容~
畢竟該忙的事情都漸漸忙完了, 電腦, 新家, 新上網, 都已經準備好, 已經沒有偷懶不日更的理由, 也沒有還自己不進步的理由, 畢竟每一天我都要回望昨天自己到底有什麼分別。