食油飯愛配雞卵糕

阿和仔佮怹囝佇个街頂賣油飯

厝內那是有嬰仔滿月

攏會來找怹買

香菇肉絲毋捌儉

麻油雞腿大大支 兩粒紅卵半相送

裝佮規便當篋仔滿滿

爸仔子古意予人呵咾

油飯價數實在無地嫌

誰知雄雄彼一工

對面阿成仔怹查某囝

新開一間店面咧賣パン (麵包)

聽講是對國外出師倒轉來

西洋雞卵糕

金黃金黃媠噹噹

甜甜芳芳閣鬆鬆

滿月若是訂一粒

後日會當優待收瀾餅

好食趣味看起來閣真時行

兩家看起來得欲來一場生意大車拚

傳統佮新潮倒底誰輸贏

誰知阿成仔佮阿和兩家火大戰阿袂開始

煞先來結親情

原來是少年仔早就互相有意愛

想欲 鬥陣熗油飯 作伙撋麵粉

恁兜那是有囝仔欲嘛滿月

看是食油飯愛配雞卵糕

也是食雞卵糕愛配油飯

從今以後 怹翁仔某得過著幸福快樂又無閒死的生活囉