袂要緊阮轉去才閣講

做魚丸的阿巧仔食飯食一半，煞看著一個戴帽子的，準備欲佇家己的リヤカー(liaka)面頂，貼一張紅紙。一嘴還袂吞落去，趕緊喊聲傱過去，阻佇車頭前。

「阮兜是做魚丸，我是阿巧仔，你敢無熟識嗎？ 毋是講車頂哪是有人，攏會先用講的，你那會一來隨欲貼紅紙？我有問過幾若擺，攏是按呢講的！」

戴帽仔，驚一抖，雖然心理暗暗想，煞毋敢說出嘴：

「遮是一條隘巷，毋是大條車路，違規就愛罰，不管恁兜做魚丸、肉丸，也是狀元」

一想到頭殼頂的帽仔，閣想到厝內的爸母佮某囝，拳頭母捏著、齒跤咬著，毋知欲如何是好，倒底是欲堅守戴帽仔的責任抑是為厝內人留一條生活好過的路，只好客氣細聲問：

「毋過，魚丸大小姐，拄才車頂無半人啊」

阿巧仔，聽了袂得得，面腔起歹

「好啊 你就做你貼紅紙啊，你緊貼啊 袂要緊，阮轉去才閣去講就好」

戴帽仔，趕緊會歹勢

「魚丸大小姐，恁抑是緊將車捒走就好」

阿巧仔聳鬚閣假吃虧，踅踅念袂煞：

「本來阮一看著，就趕緊來捒車啊...」

戴帽子，頷仔頸筋繃緊緊，險險無忍著

「請走，捒車請細膩」

戴帽子心內想，以後囝兒若大漢，上好麻去做魚丸，佮袂受這種委屈

「啊，一切攏是為前途啊！」