關於香港黃藍藝人的討論

最近網絡上再度出現「黃藝人應否為藍店賣廣告」的討論。

我個人認為，黃圈要壯大，一定要突破黃色經濟圈的內循環，其中一個方法就係賺取藍營錢。就假設 MIRROR 本身真是撐香港人，他們現在純粹為錢幫藍店拍廣告，首先 MIRROR 會從黃圈以外得到收入；第二，MIRROR 的人氣會得以提升，令更多中立及藍營人士認識。如果因為咁令到 MIRROR 多左黃絲以外的粉絲，他們被 MIRROR 潛而默化而慢慢轉黃的可能性也是存在的。第三，就算黃絲看了這個廣告，只要他知道嗰間是藍店，基本上是不會走去幫襯的。（這一點也要靠大家對淺黃人士做好文宣教育，加強敵我意識。）

咁當然，你要斥責黃藝人幫藍店賣廣告也是無可厚非，你也有道理的。但我覺得在壯大黃陣營的前題下，除非某黃藝人真係做出好嚴重的背叛行為（如出席撐警活動），否則我地對藝人們應該要寬容啲。做藝人都係一份工，佢地唔會係聖人，都係要食飯的。為左表明立場而令自己被封殺，以至收入大減，我認為做唔到都係正常吧！個別藝人做到我地應該要俾更多支持佢；但做唔到個批，又唔使攻擊嘅。我寧願班藝人間唔中暗撐香港人，靜靜雞捐錢俾手足好過。

所以，自行定性某某藝人為「黃藝人」也是不需要的。一個藝人是否站在香港人一方，我們從他過去的言行自然可以判斷；況且一旦藝人俾人定性為其中一邊陣營，相對要承受更大的風險代價，可能會因此失去某些合作機會。我們不需要每位黃藝人也是杜汶澤，只要他們不要變成撐警藝人，間中暗撐香港人就已經很好了！

所以，為了吸引更多人加入黃色陣營，必需令外面的人覺得黃圈有利可圖（招兵買馬不用錢？），既不會對本身的收益有多大影響，又可以吸納黃絲的支持。只要藝人付出的成本不高，相信會有愈來愈多的中立藝人在關鍵時刻為香港人說話。

總括來說，我們要降低黃陣營的入門門檻，寧願要多些淺黃，好過只有少量深黃。對賺敵對陣營錢持開放的態度。唯一必須堅守的原則就是一蚊都唔俾藍陣營賺！藍賺唔到黃錢，黃就兩邊都賺到，那長遠嚟講黃色經濟圈就會發展壯大！