你有冇玩過香港獨有的包剪揼呢？

對小朋友來講，永遠是遊戲中學習最好。有冇遊戲可以令小朋友從小學習到香港文化？

包剪揼大家都識玩，用包勝揼，揼勝剪，剪勝包這三個簡單規則去玩。我同六歲兒子玩，有時覺得悶，所以教咗一個我小朋友時代學的香港獨有版本(暫叫金庸加强版，我個仔叫五式包剪揼)俾佢，佢一學就識，仲識教其他小朋友玩。

金庸加强版只係加入兩類新的手勢，就令成個遊戲更好玩，猜疑鏈更長。

1. 蛤蟆功 - 舉三指(食/中/無名指) 成爪狀，蛤蟆功勝包剪揼。

2. 一陽指 - 只舉食指向前，一陽指只能贏蛤蟆功(唔好問點一陽指會輸俾包剪揼，我唔知，有人話我知最好) 。

除咗利用蛤蟆功及一陽指引小朋友識南帝/西毒同金庸外，有冇可能改一改，引發小朋友知到2019年既歷史，明白真相才是對抗强權的不二法門呢？

1. 蛤蟆功變槍 - 手勢變成舉起姆指同食指的手指槍，贏輸法則同蛤蟆功一樣

2. CLS (Comment, Like, Share) - 贏輸法則同一陽指一樣(CLS真相贏政權暴力，但冇保護小朋友的玩包剪揼遊戲亂咁CLS所以輸) ，手勢改成直豎姆指(俾like) ，

甚至任何非包剪揼槍的手勢都行，代表CLS的自由(俾中指代表 Fxxk the government) 。

如果有其他朋友可以再次創作，令呢個香港二創的包剪揼版本版本廣傳世上，真係功德無量！不過，我唔想見到有人把呢個香港版的包剪揼mix去Marvel俾人以為係美國傳入。