日落中卷在旗津、駁二cosplay動漫祭，每周自製小確幸的12月

坐在高雄火車站吉野家晚餐，周五晚上，店內只有三位客人。放眼望去，窗外只有火車站微弱燈光，人流與巴士疏疏落落的。旁邊的M記和KFC也沒幾個人，多半是路過的旅客和外縣巿的移工在吃。兩個字，蕭條。

蕭條很可能與火車站長年的重建有關，查維基現在的新站是2018年啟用，而我上一次來這邊是2010年畢業回港的時候了。那時火車站只有三層，固定在小港搭飛機前，在麥當勞吃個熱香餅餐，再抬行李到地面，拖大約200米去一台不起眼的升降機，下潛到高捷。那時候國際機場是終點站的樣子，捷運還沒看到崗山。

高雄火車站有一道長到令人發愁的天橋。台灣路標總有辦法讓你在一條大直路、只有兩個出口的地方迷路。這一點由台北車站到台東車站都是一樣的。麻煩是外地人不熟路，而天橋橫跨了幾條街口，只寫前站後站，路名很隱瞞，我知道你前後站是通去哪裡才怪呢！路名我也不太知道。後來有變簡單，新增捷運站的指示，就去捷運。

十幾年前高雄是壓力大時的喘息之地，勢估唔到十幾年後在這邊找到工作，找到地方，住了下來。火車站看來是2025會完工，頭頂蓋了像廚師帽似的高樓，不知會不會變商場。到時可能會熱鬧。那，我大概也差不多要搬了。

正當我忽發奇想，想按google map數一下火車站的ATM機和其他車站的ATM機數量以證明這邊的蕭條之際，突然忙了一波。等有心情有空再說。

人生第一次動漫祭

12月留給自己每周一日的休假，本來是想料理家務。搬屋之後慣常狂搵唔到嘢。都唔知點解，明明入咗箱，梗係搵唔到。呢啲都日常，唔搵佢就會返出嚟。好啦，咁好似幾爽，星期係目己時間。叫住自己去入貨，補充日用品，點知個個星期日都躝街。

第一個星期日，屎急痕想睇海，去咗旗津。一條友，幾爽。見下文。
第二個星期日去咗屏東，遊記出咗，仲比好爺半推半就，入場睇《破．地獄》。

(臨尾攞返個尾彩，關鍵評論轉載︰【影評】《破．地獄》：香港票房屢創新高的背後是社會低迷，讓角色們說出自己心中的話)

第三個星期日，人生第一次去動漫展，大開眼界。

高雄火車站逢星期日都有好多cosplay，所以火車站既尖峰時刻係星期日，平日人流係OOKK。反而星期日夜晚9點10點，塞到上唔到車。

動漫祭係西子灣駁二舉行，駁二以前係一個港口貨倉。係好耐好耐以前，高雄港係響旗津西子灣，但係呢，個邊水深係大約10米左右，大船入唔到嚟，要靠接駁船將啲貨係大船接貨。上落都係。所以就有駁一同駁二。

駁二N年之前就改做藝術文化用途，讀書個時係專門要去駁二睇藝術展，之後寫成萬字報告。唸起都覺得CP值好低，因為好Q難寫。望住一堆抽象既物體，吊係一個好大既倉庫入面，出面係海，報告起馬都4頁A4紙……一係上吊一係跳海，自己揀。

如果當年有動漫祭就唔同曬囉！剩係Zeta都可以寫四、五千字。

今次幫宅宅同盟其中一員買vtuber周邊，兩個攤位排咗非常長人龍，100%仔仔。我100%睇唔識，好采攤位既妹妹勁好人，驚我阻住後面，幫我執藥咁執，好快就買曬走人去睇高達。

現場仲見到某M牌模型youtube頻道既模型師，真人原來好高同埋無咁似技安。OK，我知咁講完應該係無人知我up乜，出幾張相，跳過。

動漫祭好多人講日文，同埋有幾攤係cos軍人，本地人叫國軍。初時我唔知係cos，兩部直升機停係草地，長短火帶曬係身，動漫啫，出動到軍人做first aid咁大陣仗！？點知偷聽後，哦，cos嚟既。

最正係呢可以近距離睇到高手模型作品，堅係大膽，無圍欄無入箱無入盒，裸機展示。唔驚比人撞又唔驚地震，亦都唔會加啲無謂燈光，對觀眾來講當然非常友善。

大鄉里如我，唯有感嘆︰做乜無帶相機出門呢。

日落中卷在旗津

「吳偉權！鞋子給我拿過來！」

專心踩着旗津海灘細軟黑沙，赤腳，生怕被近岸藤蔓絆倒，突然被這一聲嬌喝嚇一嚇，回頭一望，三個高中年紀既女仔，一高兩矮，妝容俗艷。高既帶一隻男朋友，男朋友拎着高踭鞋，肩揹粉紅小皮包，一身黑運動服。頓時覺得呢條友有點可憐。

星期日忽然想睇下海，掉低所有野出門，除鞋，係沙灘上漫步影相。

旗津島沙灘全長超過200米，主要由板岩碎屑和石英顆粒組成，沙灘呈現黑灰色，同澳門有有啲似，都係黑沙灣。今年咁多颱風個沙灘都無縮細，真係勁。

對上一次嚟已經係2023年3月，一年幾之前。快樂既日子過得特別快，呢一年半，過得好撚慢。

日落時份恰遇潮漲，走到海邊，享受浪潮沖刷。入冬了，日落，風略大，快門hold不住。海水有點冰，感覺埋一隻西瓜，冰涼了，拿去擺攤，剛好。

旗津老街｜Photo by Houses Cheung ω Z6 II + Tamron 28–75mm f/2.8 Di III VSD G2

想着要豪奢一點，搭船前買了一隻烤中卷。斜摃兩年多第一次捨得吃，這一隻比一盒便當要貴。進來時經已盯着了，老街五六攤，只有這一攤隊伍排了十幾人。拍照時卻犯了新手的錯，忘記調快門，算鳩數，即錯就錯，當係專登。

高雄車站開幕

1228朝早出門去IKEA買生活用品，突然發現高雄車站舉辦開幕儀式。心唸，大鑊啦，出年唔會加租掛。

• matters 把圖片的file size上限提高了(現在才發現)，好感動。

上網查一查方知道高雄站自2002年地下化，周邊發展便停滯，至今將近20年。但怎麼我記得2010左右這裡仍然是繁忙交通樞紐。新店是2018年起用一半，這我就沒有記憶了。有時候想想作為外來者，見證着捷運通車還蠻神奇的。通車後第一張紀念悠遊卡我曾經擁有，後來掉進洗衣機裡，毀掉了。

當日左手提着IKEA茶几，右手背着五顆蘋果、兩罐買一送一即溶咖啡、一個手撕麵包，沒有手，只能用手拍隨手拍了幾張。想着回小房間整理後，再帶相機出門。沒想到擦個桌子拖個地洗個馬桶，就五點沒陽光了。手頭上還有一台模型要趕工，也懶得出去，就這樣擱着了。

哈瑪星站也開了新的觀光小火車，我跟同事講好想坐坐看，99元而已呢。同事說︰「就像遊愛河一樣，我們不會去呢。」呃……我還蠻想遊愛河的。

每周一則城巿故事。突破點對點生活模式。
邁開腳步，劃出舒適的平面。喜歡原地遊的內容，請接續以下方關注更多動向：【 Facebook｜Instagram｜Patreon｜Gunroad｜Pinkoi｜500PX】