經營品牌內容營銷賣產品的3個方法
IPFS
01 賣故事=共鳴
有啲人同你賣嘅係同一個產品,但係佢嘅生意就唔知點解比你好。原因好簡單,講嚟講去都係營銷,即包裝。
Sell產品如果做唔到好似講故仔咁樣,勾起觀眾心入面情感同埋共鳴,你嘅IG就只係一個要逼佢哋打開銀包嘅煩閪sale...
又如果可以令個客相信買呢件product嘅時候有參與感同意義,其實分分鐘可以mark價
更高,因為件產品已經唔再係死物本身了。
02 賣好奇=體驗
除咗故事,令到人哋友共情觀眾有共鳴,其實觸發佢哋嘅好奇心都好容易激發佢哋對產品嘅興趣。
就好似嗰啲10秒鐘嘅短片,最初引你入去睇一定係一啲令人好奇嘅標題,或者嘩眾取寵嘅影片,又或者係一啲你未試過嘅體驗,講到新奇有趣個個都想試啦!
你嘅產品在有冇啲得意位,搞到人心郁郁好想試吓呢? 冇唔緊要!我仲有一個辦法!
03 賣焦慮=解決辦法
陳敏之嗰啲美容廣告最常就係用呢個方法!
的確,呢個真係好中啲現代城市人。
我哋邊個冇脫髮生暗瘡有皺紋失眠大肚腩..用最直接嘅方法,指出每一個人都有呢啲痛點,而你嘅產品可以點樣幫觀眾解決?
如果你嘅產品真係有獨特功能、優勢,同埋極速嘅效果,就算唔使優惠,都會令觀眾相信呢一個就係佢哋期待已久解決問題嘅最佳選擇。
喜欢我的作品吗?别忘了给予支持与赞赏,让我知道在创作的路上有你陪伴,一起延续这份热忱!
![](https://imagedelivery.net/kDRCweMmqLnTPNlbum-pYA/prod/avatar/0ac73fdd-5db7-42e5-a823-f65a9e23b5ee.jpeg/public)
- 来自作者
- 相关推荐