【市道雖則唔好，但仲有好多嘢可以做】

而我自己係覺得趁呢個時候真係要學識做content marketing，內容營銷係將自己價值show出嚟，除咗靚女都要有內涵呀！而只有呢個方法先係最高性價比而幫到你既品牌宣傳。

我遇過一個客，之前一路都以「靚相」吸引人，

後來佢意識到engagement嘅重要性，講多咗故事，post多咗story，啲客漸漸養成睇佢account有咩新貨嘅習慣。

當然，唔講conversion嘅都係無可能，但本身sales要醒目呀！我就覺得做social media小編就好似一個online嘅sales咁，識得用唔同方式向目標客戶打招呼、講到又present到件貨嘅好。

喺咁艱難嘅時期，請記住engagement係幫助你品牌更多人記得，呢一刻留唔到個客啲錢，一定要留住佢個心，要留個seed開個lead！

你就算唔搵marketer幫你手，自己都一定要run住個IG同客戶social。（唔係咩叫social media）

忠實客戶也好，遺忘咗你嘅又好，新相識嘅又好，當你頻繁出現於喺人眼前，網上詢問度就會增加，如果有實體店，就會有「搵日落去望下先」嘅諗法。

Online Marketing幫手打鑼打鼓，offline需要配合。

諗吓優惠係最簡單，但個客買唔買嘢，好在乎你對盤貨嘅認知，知道而家嘅客要啲乜。要知道自己邊啲貨最受歡迎，邊啲用來做hero product，邊啲貨係for新鮮感，用唔同方式去呈現件貨品同服務。

仲要整合一下當前嘅資源，例如鋪頭唔多客，

係咪應該做多啲live，或者構建返一個website，將盤貨分吓類等等。

呢個時候都仲有好多嘢可以做㗎！

市道唔好，都拒絕坐以待斃！