思城
思城

馬甲一個

預算案前瞻

唔係財金專家,亦無學術基礎,以往我都係睇人寫多過自己寫。

但有幾樣我諗要留意,或我覺得要問專家既point。

----------

論時機,今日份預算案係香港內政critical movement,赤字下7千幾億相等於14個月開支(即cash flow),其實以往幾年都有赤字可能,兼經常技術性估錯,最後都係用突然出現既股市稅收打平。(北水南調~~)

On some sense,香港政府開支係用賣地去俾基建,股市同樓市相關收入去批公共開支,內地經濟對港影響,亦反映在港府收入上。

林鄭推人工島同市區重建時,提到以政府長遠開支作打算就係咁意思。

另,林鄭在上次特首*選舉*時,曾俊華就多次提及林鄭對公共開支增長無感,識用唔識搵,當然同曾俊華反社會式財政紀律相比,做成林鄭在政治上係相對受寄望,林鄭五年任期在教育醫療社福投入,令長遠公共開支增長,卻鮮有相應財政計劃(我就唔覺有)。

或者話,林鄭既招數就係用拓地作為方案,將住屋拓地稅收三穿一咁處理,一旦內地資金同本地地產商唔投地,巨型基建開支,連同持續增大政府開支就極有可能對儲備體系做成衝擊。林鄭最大既錯係以為內地經濟週期無太大波動,為衝擊埋下伏線。

要留意既係,要避免衝擊,香港政府在當前急務仍然係拿出有力拓市手段,不單要復市,而係在內地通關暫時無期下建立經濟增長動力,而且係長期增長,穩住本地資本信心,若不成功,下一輪離場將會是本地大型企業老闆,

(無得用自由行尼d外掛招,紅企會唔會救香港呢,有餘力先啦,哈哈)

另一邊,14個月餘款,加上缺乏增長動力,未來一兩年賣地收入與稅收,番唔到本可能性甚高,幾可肯定會作出凍結以至裁減開支決定,cut邊個先呢?

直接考驗劏房波與pika管治能力(可惜,90席後建制派已無咩講價能力),生意好時有水,鳩玩都無問題,無水時就完全唔同講法,內外交煎,今次中央想幫都未必有本事。

我地眼前既唔係赤字,係一場完美風暴級既經濟危機。

上一次港府應對方法係出售公共資產同賣地機制市場化,炒埋一份,今次又可以點拆,尼十幾年起左果d野邊個想要,又有邊個夠膽買?

今一份預算案首要係危機管理,北京同特區政府係今一輪研判同決策,對未來局面將極具影響力,香港以往因為中國與全球資本兩邊拉動,求鳩其有增長就ok,2019後中美角力,環球資金唔會幫到香港,局面上hold thing is different ,我地只係剛剛感受到風力,*生意好啊*,足以講清當前情勢。

CC BY-NC-ND 2.0

Like my work?
Don't forget to support or like, so I know you are with me..

Loading...

Comment