趕走民主派，反而令政府掉入更深刻漩渦。
星期六晚終於睇下新聞，其實攪尼攪去就係政府說服唔到唔相信疫苗既香港人去打針，社區層面做得差，亦又唔敢話科興無撚用，施政問題既表徵係公關失敗，
更深一層係，係尼三年裡面，輿論同政治層面缺乏有民意基礎既平台同政治人，係輿論層面拉動討論，例如打唔打針，假設蘋果日報立場同港台還在，佢地既取態，factcheck同辯論，以三個媒體公信力基礎，至少能夠提供香港人願意睇願意聽既資訊。
唔會做成有需要既人無打，唔急既人反成谷針對象仲要用安心出行尼D奇怪局面。(hopefully)
今日盧局長仲係度講Covid唔可以當流感尼D過時論點，足以見到政府困境。
同時間，北京由亂轉治設想，有著其自相矛盾本質。
不如想像一下，再簡單講，以民主派善良天真既本性(稱讚)，好可能一早會願意落水打硬仗幫手谷針，亦肯定足以影響香港人取態。
政府公關好唔好係政治問題，唔係局長同專家嘈交可以做到，
反觀，對面海政府對疫苗效用既公關工作就係一例，成功疏導民情，施政以理服人先會有效。(我講緊日本同佢下面既..........)
其實當前環境，疫情已經唔係首要，經濟危機已經擺在眼前，號稱一日解決一個問題既政府要明白，政治問題係有連帶關係，舊問題唔會因為新問題出現而消失。(下個月有施政報告好撚POSITIVE)
更甚，今次情況相對於曾朝時期更差，政治化妝都要有人附和才唱得下去，依家民主派真係食哂花生啦...............
民主派本身無實權所以唔重要(真心)，而係佢地存在令政府施政有選擇，尼個時效性隱性政治盟友，提供減低社會危機既發生機會，係局面同民主派手持民意所致。
在完善選舉後香港境況，亦證明北京介入並無令特區政府變得容易，相反，政治空間收窄令特區政府可選擇既合作對象更少。
趕走民主派，反而令政府掉入更深刻漩渦。
喜欢我的作品吗？别忘了给予支持与赞赏，让我知道在创作的路上有你陪伴，一起延续这份热忱！
