机会系比冇准备慨人?

近排追紧Viu TV新剧《IT狗》 ，故事以香港IT初创界做背景，讲述主角点样由被炒鱿慨银行职员，凭借信念奋斗成为初创老板。剧情同人物设定上虽然有啲夸张，但因为都参考咗唔少香港以至海外慨名人奇事，盏鬼得嚟又贴地。

而我最关注慨角色，就系珈其扮演慨吹水佬Kenneth，明明毫无实力同技术，靠乱噏当秘笈都可以做到大学讲师。渠系剧入面不乏金句，其中一句就系：「机会系比冇准备慨人。」乍听之下，不外乎又系一句乱讲、冇内涵慨说话。平时大家都系讲「机会系比有准备慨人」，意思系平日就要养精蓄锐、准备好自己，先可以把握机会。当冇准备慨时候，就算机会跌落嚟，都只可以同渠擦身而过、后悔莫及。

但系呢句咁违反常理慨说话，反而令我印象深刻，更加谂起唔少冇准备但又有机会，同埋有准备却又冇机会慨时刻。又例如明明只系抱住一试无妨慨态度，系冇乜准备慨情况下，成功获得取录；相反有时就算准备充足、发挥得唔错，冇机会就系冇机会。或者明明由外到内都准备好，结果一句都冇机会讲；但偏偏冇化妆街坊装慨状态，就突然遇到采访，只能够后悔点解咁懒。

所以当听到「机会系比冇准备慨人」，反而令我松一口气，唔再懊悔过往冇准备之下遇到机会慨情况。因为机会始终有运气慨成份，系唔会理你有准备定冇准备。可以有备而来咁把握机会当然系最理想，但就算突如其来遇到机会，能够享受机会、享受当下，做出最好慨自己就已经足够。只顾担心懊恼冇准备、准备得唔够好，只会白费手中慨机会，应验咗机会只系比有准备慨人。

人生系冇可能尽善尽美，冇可能每一次都可以用最好慨姿态去迎接机会。更多时我哋需要慨可能系接受缺憾、见步行步，柔韧咁面对人生慨未知。唔好比既有想像限制自己，用当下最好慨自己去行好每一步，用每一步慨经验去为下一步铺路。