電影《無語問蒼天》（Awakenings）

《無語問蒼天》（英語：Awakenings）入面，一位媽媽養育著一個普通細路仔，但小男孩因為腦炎病而被困潛水鐘，身體日漸衰退。最後，美麗嘅靈魂完完全全困於身體裡。一困就30年。

電影中醫生經過一番一番努力，解放咗入面嘅小蝴蝶（一段小時間）。

有人可能會話電影結局並不重要。因為唔係一個快樂永遠開心喺一齊嘅童話。電影內容取自真人真事，發生於60年代。

入面有2段母親嘅片段令人印象深刻：

① 當母親面對要決擇醫生為個仔用新藥時。母親猶豫了，一個由孩童就開始失去正常人生，並沈睡咗大半生人嘅兒子，有醒來嘅機會。她問了一句：他醒來還有什麼？

醫生答覆令人落淚：他還有你。

人生擁有嘅嘢，應該係乜？

或者會係乜？

②在治療成功嘅一刻，母親參與分享會（希望獲取其他人支持，等更多喺類似情況困境嘅人可以受惠）在表述呢個決定時，講過：我從來冇問過天，點解我會擁有一個活潑可愛嘅仔。

直至佢患上呢個病，我就問個天，點解會發生？

的確，我地大部份人都係唔會覺得，每日每日醒黎，或甚存在喺呢個世界，係因為咩原因。反而，只會喺擁有過後失去咗，先會去覺得，人地對自己做過乜、個天對自己做過乜。

存在於一個困局，到底係個世界造成、定係自己走入去？

我唔係感恩𨶙，只係好多時候見到身邊嘅人將一個個事件、因果，都歸咎於別人，但又睇唔到佢，曾經擁有時有進行同樣邏輯思考，深深感受到個彈出彈入嘅生存技巧。

人於「完全將問題瀉出去」同「將所有問題都攬上身之間」永遠都係取決於一念之間。