贛文小説掠影

二十世紀中國遊記

原著：芥川龍之介
轉寫：贛語通訊社

序

支那遊記啷算是上天賜把【給】（或話懲罰與）吾新聞報道才能嗰產物。吾受大阪每日新聞社嗰托，且【在】大正十年[1]三月下旬至同年七月上旬箇【這】一百二十餘工【日·天】間遊歷上海/南京/九江/漢口/長沙/洛陽/北京/大同[2]/天津等地方。背路【後來·後面】歸去日本，《上海遊記》同《江南遊記》每工執筆一轉。《長江遊記》也是如咁進度但最終未寫正好、完成截稿。《北京日記抄》並吥【不】是一工一轉，但記得是用哩了兩工寫刮【完成】嗰。《雜信一束》嗰話基本上就是把吾寫且明信片登弄【上面】嗰就許【那】嗰樣收錄嗰。吥管啷話，吾且新聞報導上嗰活腔【活用原聰明之意】，就像閃火，至少是像芝居嗰舞臺閃光樣，閃映且文稿中。

大正十四年十月

芥川龍之介記

底本：「上海游記・江南游記」講談社文芸文庫、講談社

底本嗰親本：「芥川龍之介全集　第十三巻」岩波書店

寫正：贛語通訊社

校正：Source

2024年4月20日做成

北京日記抄

一 雍和宮

今【今日嗰合音】也還是等【被】中野江漢兄領到一下去口前【外面】耍，中邊連子【時候】出門去看雍和宮。喇嘛寺等【複數後綴】話實嗰吾是冇什興趣，吖【語氣詞，大呵氣】，簡直可以話有忽子【一點點】討嫌哩。但吥管啷話箇【這】也算是北京嗰一隻名所，要寫且【在】紀行上吥話，按道理也應當移身過去望眼。爺子【多爲男子自稱】也是得哩辛苦啊！

坐上張忽子垢落【髒(GuaiLai)】嗰黃包車，終於揚【大幅度動作】到哩門前，喝【語氣詞，些許不屑】，認真是只大廟。本來話到寺廟就只有一座大殿，但箇只喇嘛寺吥是，渠【無性別第三人稱】是由永祐殿、綏成殿、天王殿、法輪殿箇幾隻大殿攏且一下嗰組屋。而且跟日本嗰廟吥一樣，屋頂嫩黃，壁上彤紅，臺階用上哩大理石，還有石腦古【石塊】嗰獅子，青銅嗰惜字塔（支那人尊字之故，若是撿到寫有字嗰紙，就會掟【扔】進箇塔墶裡【裏面、輕快語感】，箇是中野兄嗰解釋。反正把箇想成帶忽子藝術感嗰青銅紙屑簍就做得），而且還立哩乾隆帝嗰“禦碑”，總體還是有些莊嚴。

在第六所東配殿，有四尊木雕嗰歡喜佛。把得堂守一枚銀腦子，渠就會挑開綉幔等【讓、使、許可】汝看。佛都是藍面赤發，背胛中生出些手來，用無數人頭做頸飾，要吾話，箇硬雄【丑】到冇影唄，怪物樣！

第一尊歡喜佛跨且遮哩身人皮嗰馬登弄【上面】，火口內含到只細【小】人；

第二尊把個象頭人身嗰女子蹗【踩】且腳下；

第三尊企【站立】到跟女客人【女人】肏屄；

第四尊也是吾最敬服嗰。渠先企且牛背上，然背【然後，從吉安地區借入詞匯】牛牯又跟到淫弄著仰睏且身下嗰女客人。

吥過該些歡喜佛一忽都未把人以淫靡之感。吥過是滿足丫世人遭劫【可恨、可惜】嗰好奇心。且歡喜佛邊上有只半張口嗰大熊，若是問究起來，噠嘛【可能、也許】也是什哩嗰象徵。熊像面前有武人兩個（刮青面頰手裡拿根烏毛槍），背路跟到兩頭細熊子。

記得行背【後來，撫州地區借詞】到哩甯阿殿。遠遠哩就聼到嗩呐聲，往内睃【偷瞄】丫，原來是兩個喇嘛和尚提只碩碩【碩大】哩嗰喇叭企且許【方位那】。箇喊叫做喇嘛嗰腦殼上要麽嫩黃要麽青紫，總是鼎頂三角毛帽，箇是吾人話屋裏話：話像打羅嗰麽【克制語氣詞】，望得又有忽子森【蠢笨】···。不過許嗰喇叭一吹還是把吾扯歸政治正確（ポリティカル・コレクトネス），話實心話，還是蠻像樣嗰。

跟到野生【贛地常見人名昵稱後綴】行走上哩撮【節、段】石板路子【輕快語氣後綴】，有個堂守企且萬福殿面前，揚【大幅度動作】啊子手邀吾等上去，墨狹嗰梯子登弄【上面】也有尊等被遮到嗰佛。話啦 堂守是不肯白白把簾子舞【寬汎指代所有動作】卸來等吾等【人稱複數】看。話要二十錢，少哩莫做聲，現人【丟人】。背路還是話到十錢，做得。幕布起開，面頰藍嗰、白嗰、黃嗰、赤嗰，還有馬怪嗰。一家長到幾雙手，手裏拿斧子嗰、弓嗰、還有揚到人腦殼跟人手嗰。下身也是，左鳥腳右獸腳，許嗰時代嗰抽象審美。內心評價一般（話是話腳下轆哩兩嗰人），爺走渠。野生一下就大聲著氣【生氣】：“汝家娘嗰策【騗】爺子【男子常用自稱】哈”。堂守愣舌【驚嚇狀】，関忍【立刻、馬上】話：“還有該個還有該個”。“該個”話嗰就是刮藍嗰卵子陰莖。高高哩號【擡起】起腦殼，但不為產子，光吊且在許哩幫到箇個【這個】堂手賺煙錢。遭劫嗰，箇也是喇嘛佛卵。

喇嘛寺面前有七家渠等許邊人開嗰店，喊【叫做】恆豐號。攏共三十餘人。一丫【一起、全部】從西藏過來。吾等行進去買哩副子（畫）。聼話一年賣得一萬二三，了甚了甚，箇喇嘛佬子搞錢活腔【聰明】啊。

[1] 大正十年為1921年，民國十年。

[2] 大同當時大概為察哈爾區