港飛人｜刁俊稀專訪 苦練九年快一秒 向十秒內跑畢百米目標前衝
文｜集誌社記者
一秒轉眼即逝，但存在無限可能。巴黎奧運100米跑，港將刁俊稀（Felix）跑出10秒62 ，預賽止步。成績與金牌的 9秒78，相差不足一秒，但這段距離，卻教刁俊稀望塵莫及。一秒其實有幾遠？「我用咗九年時間，先進步咗一秒，其實真係好難。唔好講進步一秒，0.1 秒，喺短跑嚟講係好大嘅突破。」刁俊稀說。
因奧運特寫鏡頭，對著「DIU」字選手名布一指而爆紅。24歲的Felix ，網民以「刁兄」稱呼，這塊「DIU」字選手名布，內藏九年汗水。Felix去年商科畢業後，朝九晚六上班、放工練跑，他抓緊「同自己鬥」的信念堅持，一年四破個人紀錄，取得「外卡」跑到巴黎，成香港歷史第三人，證明香港人也有機會在奧運跑道飛馳，「最初在香港跑到第一，我都覺得難，順其自然，keep住進步，遲早有一日去到那個水平。」回港後他再起步，向10秒內的目標進發。跑步擦過時捲起一陣疾風
在沙田成長的 Felix，回到熟悉的沙田運動場受訪。在場上慢步時，他說起當全職運動員後，要接受高強度訓練，閒時甚少出來跑步，有時間會想休息放鬆。他笑說，逼不得意才會追巴士，「有時間我都會慢慢等佢（巴士）過咗就算，因為我好攰……」。
他換上運動衣緩跑一段，擦過時捲起一陣疾風。即使是輕鬆示範，他也擺出如同肌肉記憶的跑姿。這位香港飛人又笑言，追巴士也在反思，「追巴士係做唔得足晒（跑姿）。我會諗點解自己做唔到，可能跑得快但做唔晒啲動作。」
靦腆低調 落街場被學生要求合照
Felix 靦腆寡言，但總掛起笑臉、平易近人，說起跑步經歷偶爾會冷笑。他低調，沒經理人，曾因緊張而婉拒直播訪問。從巴黎返港時，他戴上一副斯文幼框眼鏡、穿白 T 長褲抵機場，避開焦點俏俏離去，然後放假去了一趟旅行。
但來到街場，他卻難保持低調，不時被跑友認出。同場有中學田徑隊練跑，幾位學生認出 Felix，便盯著他竊竊私語，繼而上前要求合照，內向「I 人」Felix 微笑答應。「落街場就係咁……」Felix 說，奧運之後，曾在餐廳被小朋友認出，然後與對方合照。他坦言被人認出有點不自在，打趣道：「平時可能玩玩吓，講下粗口，咁（現在）咪收儉啲……」
巴奧港隊田徑唯一代表
問到這班中學生，從何認識刁俊稀？他們先是笑而不語，然後其中一人道出：「香港人跑到入奧運係唔容易」。短跑長年是非洲與歐美的世界，歷史上只有兩位港人跑過奧運男子 100 米，對上一次，已是 2008 年北京奧運，黎振浩在初賽跑出 10 秒 63 成績；而蔣偉洪則在 2000 年及 2004 年奧運 100 米初賽，分別取得 10 秒 64 及 10 秒 7。
24 歲的 Felix 在今年中刷新 10 秒 33 個人最佳成績，與吳家鋒保持的香港紀錄相差 0.05 秒，以「外卡」身份，獲得巴黎奧運入場券，成為香港田徑唯一代表，也是香港奧運短跑史上第三人。
集誌社檔案：外卡是甚麼？
奧運有俗稱「外卡」的通用名額，讓沒有運動員達到田徑項目參賽門檻的國家或地區，派出選手出賽。今屆巴黎奧運，當一個地區無運動員或接力隊達參賽門檻，則可動用「外卡」名額，派出排名最高的運動員，參加 100 米、 800 米或馬拉松項目。刁俊稀今年四度打破個人最佳成績，五月在男子 100 米跑出 10 秒 33，成為三個指定田徑項目之中，排名最高的港將，取得外卡參加巴黎奧運。肌肉繃緊影響發揮
今年八月，巴黎早上天氣稍涼，不足攝氏 20 度。Felix 抵法時，感覺肌肉繃緊，加上習慣在炎熱天氣跑步，肌肉更難放鬆，影響發揮和節奏，「尤其是我們這類講求爆炸力的運動員，暖少少會好啲。」
踏進宏偉的法蘭西體育場，全場數萬名觀眾注視，八位頂尖跑手站在紫色跑道。「個環境好震撼。因為你未試過比賽嘅時候，係幾萬人坐滿晒。個場係唔同，又係紫色，成個氣氛係好震撼。」
「我覺得短跑是自己跟自己比賽」－－他落到第三線，凝視前方，把對手與環境拋諸腦後，目標是再創個人紀錄。這或是人生最重要的 100 米，腦海只浮現「盡力」兩字：「冇乜嘢諗，因為諗得多，就好容易變得緊張。所以比賽前，我都同自己講，盡量唔好諗咁多。有啲咩不足，淨係諗嗰樣，集中嗰樣就 ok。」
10秒62排第四出局 未破個人紀錄
預備起跑，蹲下腳掌踩上腳踏。裁判鳴槍起步，刁俊稀低頭爆發帶出，憑出色的起步，在頭段搶佔第二位置。跑到中段，他吸氣昂頭衝刺，惟後勁不繼，慢慢被身旁選手追趕，最終以 10 秒 62 在預賽排第四，無緣晉身決賽。
短短十秒，經歷如搭過山車，奧運在衝線一刻結束。刁俊稀雖打破港隊在奧運的 100 米紀錄，但遠不及其最佳成績，未能完成目標，教他感到失落。「始終出發前隻腳好緊，影響咗準備、比賽狀態，做唔到最好，唔算幾滿意。同自己應有水平比，可以再好啲。不過冇，隻腳個時嘅狀態，跑到 10 秒 6 算係咁。」
0.84秒 與金牌的距離
一秒如彈指之間，但在短跑世界，由鳴槍一剎，就如闖入另一宇宙，以每秒數百格慢鏡，放大每一微小動作和呼吸，舉手投足皆左右戰局。今屆奧運男子 100 米金牌得主Noah Lyles，取得成績是 9 秒 78 ，跟 Felix 相差 0.84 秒。但這段不足一秒的距離，足以令 Felix 感望塵莫及，「冇得同佢哋比，0.1 秒可能已經係一個身位距離，所以其實差好多。」
用九年快一秒
快一秒有幾難？「嘩……呢個真係難。我自己細個出嚟跑，先講緊 11 秒 4，我用咗九年時間，先進步咗一秒，其實真係好難。唔好講進步一秒，0.1 秒，喺短跑嚟講係好大嘅突破。」在一般人眼中轉眼即逝的賽事，每一秒鐘，都是跑手長年累月付出換來。
從跨欄轉戰短跑 享受無障礙衝刺
從小喜歡周圍跑的 Felix，升中時因身型高䠷，被老師選去跨欄。他回想時一聲冷笑，說其實興趣不大，「因為冇人跨欄，跟住就畀人逼咗去玩，明明自己啲筋又唔係特別鬆……」後來他每升一級、欄便高一節，跑學界臨尾「撞欄」跌倒、渾身損傷，他便放棄跨欄。升中四暑假，他報名暑期短跑訓練班，跟隊練跑、越練越快，展開短跑生涯，「冇障礙衝爽啲，鍾意衝刺的感覺，便開始玩 100 米，有成績就繼續玩落去。」
亞運跌棒成最痛一幕
Felix 笑說，父母和哥哥都不做運動，在這段跑道上，他都是與隊友結伴奔馳。除了練跑和比賽，有空會跟隊友打機玩 Apex ；他享受個人短跑的衝刺感，但跟好友為同一目標奮鬥、一齊贏，更有滿足感。
在生涯最深刻和最痛一幕，就是來自接力。去年杭州亞運，港隊原本劍指決賽，但在初賽階段，跑第三棒的 Felix ，交棒給吳家鋒時「跌棒」，未能完成賽事。「嗰個moment……失望，完全係唔接受。」一個失誤，整隊決賽夢破滅，事隔一年，Felix 仍有餘悸，覺得連累隊友。「我走出咗㗎啦，但你叫我睇返段片，我都係唔敢睇。講就 ok，但唔敢睇，不堪入目。」
不過，最快樂的，同樣來自接力。今年初田徑隊到澳洲參加接力賽，他跟隊友、教練、技術人員，幾個人住在公寓，兩星期一同煮食、生活、練習和比賽，最後跑出賽季最佳成績，這是他跑步生涯最快樂的時光，遺憾成績不足以擠身世界接力賽。
盼接力隊獲好成績
他說，個人賽壓力較小，比較自在，但還是希望接力隊取得好成績，「你（個人賽）攞牌一個人開心，接力攞牌係四、五個人一齊開心，係唔同的」。今年他們仍有參加接力，五月在泰國的亞洲接力錦標賽，以 40 秒 14 奪銅，惟他仍未滿意成績，「早幾年接力隊好勁嗰期，我哋都想好似佢哋以前咁，或者超越佢哋。」
前港將畢國偉之徒
雖然 Felix 一直代表香港出戰國際賽，但他過去並非全職運動員。運動員薪津與成績掛勾，田徑雖是精英項目，但競爭激烈，要取得國際成績並不易，運動員難升級加薪，Felix 說，很多田徑運動員另有正職，不少為教師。這九年來，Felix 一直在課餘時，跟前男子 200 米奧運港將「畢sir」畢國偉練跑，沒有做全職運動員。
會計畢業收工練習 曾因 OT 影響跑步辭職
去年，Felix 畢業於理大會計及金融學院，投身會計工作，逢周一至周五收工去練跑兩小時，有時星期六要做體能練習。這份工經常要 OT ，無法練習，他做了一星期便辭工，「因為 feel 到要 keep 住OT，練唔到習，個心理關口過唔到，趁做咗一個禮拜，仲有『逃脫期』就即刻走。」後來他轉到另一間金融機構，工時相對穩定，但要按捺好動的個性，全日對著電腦，讓他身心俱疲，「收工去練跑，會明顯有啲攰」。他也清楚內心：「會唔想返工，多過唔想練跑……」
一年四破個人紀錄
邊做邊跑的一年，卻是他生涯高峰，四次打破個人最佳成績，由 10 秒 6 刷新至 10 秒 33。「突破係幾大，中間做咗好多改善缺點為主的訓練，譬如途中跑，我以前可能會坐低少少跑，現在會升返高；臨尾會跌速多，現在相對上冇跌得咁勁。」更重要是心態，教練教會他要「同自己鬥」，「以前一落線就好緊張，諗住要點贏其他人。教練提我，佢好了解我哋每個人嘅特性，盡量唔好同人鬥，諗自己就好。」
棄穩定工作 領 7000 元做運動員
憑 10 秒 33 成績，達到體院全職運動員門檻，他要抉擇，於是放棄月薪兩萬的穩定工作，選擇做個起薪 7130 元運動員，趁黃金年齡衝刺。他「先斬後奏」，決定了轉行，才用一張奧運入場券來說服家人，幸得家人理解，「佢哋都明，運動員真係得幾年時間。」
集誌社檔案：田徑全職運動員門檻高 奧運港將領 7130 月薪
體院精英運動員分為最低的「成年隊」至「精英甲+」六個級別，若非體院青訓，而要達至最低級別的「成年隊」，最低要求是國際成年比賽中，名列前三分之二名次，或按個別體育總會較高的達標要求。
田徑方面，國際賽事競爭激烈，故設有一套相等於「成年隊」最低門檻的準則。以男子 100 米跑為例，24 歲或以上選手，如取得 10 秒 34 就算達標， 22 至 23 歲則是 10 秒 42，20 至 21 歲是 10 秒 50。
成為奧運代表，可升一級至「精英丙」，但「外卡」參賽者不受惠。換言之，香港奧運短跑代表刁俊稀，在今年五月取得 10 秒 33 個人最佳成績，僅以 0.02 秒之差，取得「成年隊」入場券，現時每月領取 7130 元資助。
按照體院規定，在亞洲錦標賽取得獎牌，並名列前三分之一名次，運動員就可以升級為「精英乙+」，每月資助增至 22,820 元。今年五月，香港男子 4×100 接力隊，就在亞洲接力錦標賽奪得銅牌，不過，這場賽事只得八隊參賽，所以頭兩名才算「前三分之一」，就算他們奪銅，都只達低兩級「精英丙」的「名列前二分之一名次」標準。
因此，刁俊稀明年四月，將由「成年隊」升為「精英丙」，而這級運動員，領每月標準資助額為 11,520 元。
人種差距縮小 跑入奧運不是夢
奧運是每個運動員的夢想地，Felix 坦言，直到今年初，都沒想過爭取到入場券。他想在黃金年齡，衝多兩、三年，長遠目標是十秒內完成，短期則希望打破 10 秒 28 的香港紀錄，衝完便要再思考將來。下屆奧運呢？「呀……咦，咁遠唔講住啦！」
像沙田運動場練跑的學生說，香港人跑入奧運不容易，過去只有三位港人征戰奧運男子 100 米跑，而田徑項目多由非洲與歐美選手壟斷。Felix 說，他們的肌肉密度與亞洲人不同，故有強大優勢，但如今越來越多日本和中國選手跑到 10 秒內，種族之間的差距縮小，分野在於細節技術和訓練。
他認為，香港的技術水平較早年提升，只要堅持，不斷突破自己，跑入奧運不是夢。「最初在香港跑到第一我都覺得難，順其自然，keep 住進步，遲早有一日去到那個水平。」
集誌社檔案：因指「Diu」字名布爆紅 刁俊稀不介意被開玩笑
巴黎奧運男子 100 米跑，開賽前一刻，起跑線上演一段插曲，使港將刁俊稀一夜爆紅。大會攝影機拍下每位選手特寫，第三線上的 Felix 豎起食指、做出「殊」手勢，又指向腹前、寫上其英文姓氏「Diu」的運手名字布。他的姓氏讀音近似廣東話粗口，這個畫面隨即在網絡瘋傳。
「本身香港比賽都有做開（「殊」動作），我諗唔到（做甚麼），咁咪殊一殊。因為我冇諗到，佢唔係決賽都照影㗎嘛。」談到這幕，刁俊稀表現靦腆，不時「尷尬笑」。他解釋，當時是臨場發揮，希望「殊一殊」、叫自己冷靜。「都幾……幾神奇我覺得，由本身冇乜人注意到，但𠵱家又全世界都識我咁濟。」他坦言，雖高興有人留意自己，亦因而增添壓力，怕表現不好。
跑步圈外的朋友會叫他 Felix，跑開步的叫他「阿刁」。他說，目前坊間對他的評論尚算正面，故不介意大家因其姓氏關注自己，「由細到大講慣講熟，只係𠵱家多咗人講」，「留意得我，其實我都有實力去得奧運，都係實力肯定一部分。」
集誌社檔案｜十餘秒上落的比賽 每日高強度訓練
一場 100 米短跑比賽，十餘秒上落，運動員平時要極高強度的訓練。刁俊稀說，比賽前，會分途中跑和起跑訓練，集中練短途、爆發力，星期一至五都要練跑。而預備下一賽季的時段，會展開「冬訓」，要做更多速度以外的訓練，例如百二米至三百米長距離跑，鍛練心肺，他坦言，自己是爆發力運動員，心肺功能較差，冬訓十分辛苦。
刁俊稀今年跑出 10 秒 33 個人最佳成績，要如何保持同一水平？他說，100 米跑講求感覺，當感覺順暢的時候，每一步加速會很順、少有跌速。他解釋指，跑到 40 至 70 米時，一般會達到 top speed，之後 20 米開始跌速，特別講究到達 top speed 時，要如何維持住動作捱到終點。他會記住，創最佳成績時跑步的感覺和姿勢，「盡量練習時做到，下次比賽用返出嚟。」
