「蔓防」前最尾一日

　　由於疫情嚴重，關東一都三縣包括東京、神奈川等等，21日起開始「蔓延防止等重點措施」（簡稱為「蔓防（まんぼう）」），晚上8點之後禁止堂食。所以尋晚放工之後我去咗北久里濱新開嘅茶餐廳食晚餐，嗌炸雞髀配薯條。

　　呢個喺香港茶餐廳「下午茶餐」入邊最典型嘅菜色，令我諗返起喺香港嗰陣成日跳11-14點嘅午餐時段，到14點開始下午茶餐就入店嗌嘢食，努力慳水嘅生活習慣喇⋯⋯嗰間有唔少菜色，魚蛋、蘿蔔糕都係手工嚟，同埋顧名思義，嗰間係以《英雄本色》為主題嘅舖頭，內裝有唔少有關嘅item，睇上嚟好有趣。

　　跟住我喺櫻木町轉線嘅時候冇啦啦行街，嗰度附近有橫濱最繁華嘅酒吧街（個名叫「野毛」），好似係蘭桂坊咁嘅地區。我以為2022年冬天嘅night life最尾一日，應該會有唔少人應該趁吓墟飲吓嘢，但係街頭竟然空框框咁，場面觸目驚心。

目前「蔓防」係到2月13日為止，但係今次疫情睇落已經控制唔到咁，我估實施期間延到三月之後，或者會轉到「緊急事態宣言」。非常擔心⋯⋯