華豐大火｜大廈水電暫斷 居民指起火一樓長放爛燈箱 投訴無門
（原文刊載於集誌社）
文｜廖俊升
攝影｜劉貳龍
油麻地華豐大廈昨（ 11 日）發生三級火，現場今晨仍未解封。大批關愛隊及警員在場，協助回到單位領取物件的市民。大廈目前暫未有水電供應。有住客投訴，大廈一樓長期有破爛的燈箱和電線，投訴無門，批評法團「淨係識收管理費」。廣州旅客梁小姐，昨日住在三樓賓館，早上起來收拾行李、準備離開時，突然聽見消防車聲，看出窗只見污黑濃煙，「嘩黑嘅，嘩火燭，啲煙好大我都唔夠膽開門。」
被困災場樓上的她，當時只好繼續收拾行李等候救援，「始終未見到明火，見到好濃嘅煙，出唔到去。當時拎住濕毛巾掩住個鼻，戴口罩都冇用，出來個口罩都係黑色。」
最後有消防員用吊籠運載她至地面。她坦言，當時感到害怕，一套衣服穿了三天，今天回到現場，上樓取回行裝。
一位住在三樓兩年的住客表示，事發時自己正在睡覺，被火災嚇醒，「真係嚇死」。她指，大廈一樓長期有破爛的燈箱和電線，投訴無人理，批評法團「有人理先得，淨係識收管理費」。她又指，大廈一層有十數單位，一樓和二樓也有劏房。
火警造成五人死亡，40人受傷，至今日（11日）上午，仍有 23 人留醫，七人在深切治療部。五名死者，年齡由 20多歲至 70歲，包括兩名 67 歲及 70 歲男子，為香港身份證持有人、兩名年約 20 多歲的印尼籍人士、一男一女，及一名暫未知身分的女子。
內地客批警鐘無響 政府無善後
華豐大廈有 35 間持牌賓館，火警令大批住客受影響。廣東旅客陳先生和太太租住華豐大廈二樓的賓館，他憶述昨日火警時，警鐘並無響鬧，因門外吵鬧聲才發現火警，「冇響過，真係完全冇聽到響嘅。聽到樓下點解咁嘈嘅，一開門，嘩啲煙攻到呀。」他們逃生時，賓館大門的手柄脫落，險被困在內，其後他們沿樓梯離開。
他今天回到大廈，取回留在賓館的物品，進入大廈時，仍嗅到大陣煙燻臭味，玻璃爆裂，行路也難。「木板天花爆咗落嚟，電線都甩晒，門又爆晒。」
本身打算來港住兩晚、預昨天回程，車票也買了，但因意外滯留，昨晚在附近暫住，「又話你哋政府有補貼，冇人接觸我，冇人聯絡我喎，手機號碼都有留低，但冇人聯絡我，問親阿 sir 啲嘢都答唔到。」
經歷今次事件，陳先生表明短期內不會再訪港，「我諗應該有一段時間唔會嚟。覺得香港火警唔係好安全。消防好似冇檢查過咁，鈴唔響喎大佬，如果我瞓著咗，真係打橫出嚟。」
