七日書三日｜袂曉方言愛按怎講

我自細漢的時著講華語，阮兜四邊的方言聽都定定聽無，毋免講會曉講會曉寫。毋過今仔日的主題既是方言，我嘛想上好是愛提方言來寫啦。所以就來寫漚臺語試一下。我出世佇北方，臺語嘛講袂來，毋過佇馬特市臺灣人誠濟，寫較䆀攏有濟少人會知。獻䆀啦。

語言，是用來講話的代誌，用來共思考講予人知的代誌。思考若有政治的部份，語言嘛定著愛有政治的部份。比如說「臺語」這个詞，是按怎愛講「臺語」毋講「閩南語」。這項代誌內裡，自然有臺灣人講話佮對岸廈門人講話毋完全仝款的部份，但是想來嘛有看對岸毋著，毋甘願共伊仝款的部份。

我蹛佇京都的時陣，去食外口定定會使看著有走桌的，伊名親像華語。等伊捾菜來，我著愛問伊講「你中國人乎」，煞毋知乎伊共我唱聲「啥物啦，我臺灣人啦」。彼種代誌有三四擺。以後咧，有一擺，我佇電車內裡撞著一寡臺灣阿婆。因問我「敢是大陸的人毋」，我無細膩講「著啦，我中國人」。因就緊講「阿真歹勢啦」。彼時，我一時茫然袂曉愛按怎講。我講慣勢，毋是欲糾正因的講話。分明是我著共伊講歹勢，哪有道理予因共我講咧。毋過這馬想來這項實在無意義：彼兩个詞本來講仝款的物件，無論講佗一个，兩岸的關係攏袂一下仔變落去。人愛講佗一个著做伊講佗一个啦，是按怎一定愛唱聲愛講歹勢？以後咱來講臺語的「唐山」，毋知會較好袂。毋過閣想一下，「唐山」予日本人聽來，現現的大中華思想，佇日本來講嘛毋好禮啦。講話誠麻煩。

用个字詞反過來共思考影響著的代誌嘛有。比如說，中國社會愛講个「集體」定定是欲講「我佮我的頂司」，而毋是「有仝款利益的人的集合」；「道德」嘛定定是「做佮先人仝款个代誌」，毋是「做對社會啊是別的人較好个代誌」。若是袂曉遮慣勢，難免會鴨仔聽雷。毋過今仔日已經寫較久，著莫寫閣濟啦。以後有閒轉來講。