髮森RC活髮神仙水療程......痛到我背脊都濕曬！做之前睇我report！
最近RC活髮神仙水真係好紅....
WHY？呢個直接係頭皮補濕既方法其實一早就有，有左好耐，不過之前無咁多人識
因為小紅書上而家大肆宣傳，所以突然就好多人識......
通俗易明既講法就係「喺頭皮打水光針」囉，最出名係叫絲麗小紅帽既精華液，因為個精華樽個蓋係紅色，所以就叫小紅帽！
香港就叫RC神仙水，因為頭皮精華液個品牌名叫REVITACARE...不過關於RC活髮神仙水既原產地都好有爭議，有人就話係中國華煦做既，又有人話係法國......
對我黎講有用就得，無論邊度做總之價錢就擺係度，都係一次用一針，每針用一支精華。每針底價千幾至二千，未計其他雜項收費......喺香港做就肯定貴過大陸做！
精華液原裝一盒有10支，美容院梗係拆開賣療程比你啦！
老老實實，而家香港人有咩奇難雜症或者想買奢侈品，第一時間就會上小紅書睇左先！
我都係，直接就上左小紅書睇左先！
咁叫得「頭皮水光針」，RC活髮神仙水就係用針將補濕精華打入頭皮。
小紅書好多術語架，咩手針、九針、單針頭......好多野，睇到我頭都大埋，研究左好耐。
內地人有啲就去美容院打，有啲就自己埋返黎打，仲有好多工具。
香港人怕死，又怕麻煩（AKA講緊我自己）
仲要係入侵性既野，如果消毒得唔小心或者本身買返黎既工具有超級惡菌就好麻煩，隨時感染傷口兼入侵埋頭皮，到時唔好話脫髮，可能頭皮都甩埋......所以我一早預左去美容院打！
內地個邊啲脫髮友真心對自己好狠，話為有太多頭髮擋住頭皮，喺頭皮上搽麻藥基本無用，所以好少美容院會幫佢地搽麻藥，直接就黎料！我聽到都痛到打冷震，
而喺香港，我搵到有做活髮神仙水療程既就應該係髮森？（係，我認我懶，只不過就求其上google搜左兩野就見到髮森）
預約上髮森做流程個啲都好流暢，好似3個Steps就搞掂咗，呢點係唔錯，抵讚！
我上去之後又係循例被帶入房，用個大家都好熟既頭皮檢測儀，放大頭皮黎睇，髮森啲人就話我頭油多，有啲脂溢性脫髮，話中分髮縫好大，而且每個毛囊都只有一條頭髮，有啲毛囊又無頭髮咁......
治少年脫髮咁耐，呢啲我都一早知。
之後開始傾髮森既RC活髮神仙水療程既收費，大概係每次打一支精華液，不過佢地就唔係用人手打針（即係手針），係用微針注射，個針頭每分鐘可以注射四百幾次......
髮森顧問佢地係咁保證話做得好快架！唔痛架！人手打針先最痛，仲話可以先搽麻藥......
我知道有頭髮擋住搽麻藥其實無咩用，而且用微針好似會浪費好多精華液，流到成頭係......
但人都係怕死，人都係怕痛既！所以我都話好呀！
跟住好快就安排攤上椅，有人幫我消毒頭皮同搽麻藥......
老實講佢地都好努力搽，但我覺得大部分都搽左去髮根，落唔到頭皮到......
於是髮森個小妹妹愈搽，我就愈驚，死啦等陣打針肯定好痛......
結果，第一針壓落黎個下，唔係好痛，係劇痛！
我真係痛到叫左出黎，成個人震左一震，一諗到仲有咁多針要熬我真係眼前一黑.....
但都比左錢所以都要受！
個半個鐘我真係......好似上酷刑咁，打針個阿姐仲話我特別忍唔到痛喎！可能係啦但我真係痛到背都濕埋，頂頭頂同腦兩邊位仲特別痛！我全程痛到眼濕濕，只係想快啲完！
我做到一半已經發誓永遠唔再做呢個RC活髮神仙水療程，絕對頂唔順做多次！
比針插咁多野又恐怖又痛到死！
到最後出去簽名個陣時全程我都眼紅紅，真係覺得自己貼錢買難受，心裡面好鬼嬲。
不過睇到我咁，髮森顧問淨係安慰左兩句就立即轉入hardsell mode，我淨係feel到成個頭又痛又腫，非常緊好唔舒服，都無心機聽佢地sell咩......呀佢地真係唔理人架喎，我講左好多次太痛我唔會買多幾次架啦！髮森顧問仲一輪嘴轟炸我，係咁sell，話雖然係痛，但最緊要有效果，痛都痛得值得啦！
首先，有無效果我岩岩打完根本睇唔出，其次就係痛得值唔值得係我話事，唔係你！
見我唔出聲，佢就梗係又大吹特吹個RC活髮神仙水真係可以生髮架......
我上網睇，RC活髮神仙水幫頭皮補水其實係唔會生髮，最多就係控油，等平日無咁多油自然就少啲脫髮......個原理大概就係咁！
不過我都費事同髮森顧問嘈，佢Hardsell都係為人工，我淨係話因為太痛啦而家唔係太舒服想返去休息，之後就直接拎袋走，髮森顧問見我黑曬面都無點攔我，可能驚我情緒爆發會當場發癲......
我返去同返朋友講呢件事，佢地都話原來RC活髮神仙水咁痛架？佢地本身都想去做添.......
我話如果忍得痛就去啦！做完我的確係覺得頭皮好返之後無出咁多油既......
但講到防脫同生髮就無咩感覺啦！
但To be fair，我睇人地講好似要做坐底4次先見到好好既功效既......只係我實在頂唔順太痛！
有朋友話我死蠢，問我點解唔去做PM（Perfect Medical ) 去做王牌F8激光生髮療程？
佢話佢脫髮友入面四個有三個都試過，試完都買左Plan，而家個頭好似都Keep得幾好咁？
話時話，Perfect Medical個F8我梗係知，我懷疑地球人上所有脫髮既人都聽過！
但因為我一直唔係太信非入侵性既療程......
我之前梗係覺得要滲入頭皮既成分好似生髮水呀、水光針呀個啲先有用......
但同朋友傾完一大輪我又改觀左，佢個激光照落頭皮深層都好似有用......而且仲要唔痛！
因為我覺得都幾吸引，同埋之前試RC活髮神仙水試失敗左......我都急住搵個有用既！
我同班friend愈傾愈心動，最後仲即場book左Perfect Medical F8生髮療程首次免費試做。
因為係免費所以一啲都唔肉赤！
我諗佢地咁多人幫襯，多到上埋市，就算係試做，多多少少都有啲用呱？
我知你地心急知道結果，直接上結論啦：
我Book左星期六上朗豪坊店，上到去人超多，但等左5分鐘到就可以入房
顧問循例又係用部Check頭皮機，又話我脂溢性脫髮
你要佢唔sell係無可能既，所有大公司都sell，你地咪傻啦，但Perfect Medical sell得唔算甘，淨係話我既頭皮有更好更有效既Perfect Medical 療程可以做
最後我話想免費試左F8生髮療程先，如果有用，其他Up Sell再傾啦！
我大概講下Perfect Medical個F8激光生髮療程個流程，你會坐定定去照頭皮生物激光，之後會搽生髮水，算2個Steps，就同髮森個RC活髮神仙水差唔多，但全程唔痛，會feel到頭皮熱熱地、刺刺地咁有啲反應。
注意返，做完係無即時效果睇到既，我本來都有少少失望......但返去一星期後發現頭油減少左，而且，仲生左少少BB毛！雖然唔多但都覺得有料到，我好開心！
我決定會返去Keep住做呢個Perfect Medical 生髮激光先啦，然後再睇下有咩可以offer幫到我！最緊要係有效又唔痛呀嘛！
