我的 Crypto Lending 之旅(5)

睇完之前四篇的文章，仲有興趣睇埋這一篇的話，我相信已經令大家對Crypto Lending 這件事產生了一丁點興趣。又如果大家的心態開始由純粹Crypto投資者或數字貨幣收藏家，轉換到Crypto Lending 這個業務參與者，剩返低嘅就可能係接受自己成為財仔嘅好處同埋需要承受嘅風險。（不認不認還需認，你擺得錢落去Celsius 食息/Coinloan貸$俾人就已經係做緊財仔！）

當 HSBC 宣布派息除淨之後都唔派，今時今日投資做好風險管理就梗㗎啦！

有了這份覺悟，就繼續睇下去吧！咁當然，沒有什麼東西是100% 保證，當 HSBC 宣布派息除淨之後都唔派，今時今日投資做好風險管理就梗㗎啦！如果大家決定投資Crypto Lending 業務，有能力我建議將資產分散幾間注資（暫時我用緊Crypto, Celsius, Coinloan，但唔排除將來搵到更好的 Crypto Lending 交易所，會毫不猶豫轉倉）睇吓邊個跑出。分散不同交易所有另外一個重點，是因為他們本身的業務特性，肯定是對某一種Crypto有偏向性或需求性，例如Coinloan 他們俾BTC 存款4.4% 息，好大機會代表他們在借貸BTC 當中可以獲取更高利潤，從而將利潤當中分成給你；如果大家喜歡stablecoin (穩定幣 — 即每一個stablecoin背後都有相對比例法定貨幣支恃）基本上Celsius 同Coinloan 都做到8%利息以上，喜歡追求穩定收入，而無需承受Crypto 價格的波動風險，存stablecoin食息是一個不錯的選擇。（有學過72法則都知道，9年番一番其實已經算非常不錯）

至於不同交易所怎樣分配注碼，當然梗係睇吓手頭上有幾多籌碼再開始。首先，你可以先問自己一個問題：究竟你手頭上有冇Crypto 貨？

純粹存款概念，我建議可以放入CoinLoan ，等於存款外幣，澳元歐羅等等。你存了BTC， 交易所的客戶介面便可以讓你每天看見自己的BTC 的利息增加一點點（存款利息）。

以我自己作為例子，好多年前我已經聽朋友講炒bitcoin會發達，然後糊裏糊塗，唔知係邊個網站買咗一啲比特幣，如果你同我有相同嘅經歷，咁恭喜你，因為呢粒bitcoin原來可以俾到你每個月有穩定收入㗎 （真係㗎？）快快去番嗰個網站登入揾返你個粒BTC啦！好啦，你終於可以動用你手頭上嗰粒BTC，純粹存款概念，我建議可以放入CoinLoan ，等於存款外幣，澳元歐羅等等。你存了BTC， 交易所的客戶介面便可以讓你每天看見自己的BTC 的利息增加一點點（存款利息）。假設現時一粒比特幣的價值是HK$70,000, Coinloan 而家BTC 存款利息是4.4%，$70,000 x 4.4%, 每月月頭派息一次，派約HK$256等值嘅BTC，仲未計BTC有可能的升幅(或者跌幅）。長遠如果相信 BTC 係會跑贏USD, 咁咪即係財息兼收啦；如果唔信BTC，咪當將BTC 的總持有量每日逐點提升，積少成多，每天存你多一些。

將BTC 或其他數字貨幣放入Celsius 收取利息，再進取啲，自己投資埋Celsius 一份，買自家的「股票」（即CEL Token) ，Crypto存款帳面利息會更高！

已經有Crypto貨喺手真係不妨考慮用呢啲 Crypto 貨來創造長遠被動收入！（反正你都差啲唔記得自己曾經買過比特幣...）

另外一個情況，如果你有至少一粒BTC 或相對等值資產喺手，但想更似參與成為一間交易所嘅股東（即係有抵押財務公司老闆），可以考慮Celsius，將BTC 或其他數字貨幣放入Celsius 收取利息，再進取啲，自己投資埋Celsius 一份，買自家的「股票」（即CEL Token) ，Crypto存款帳面利息會更高！(CEL 是一隻借貸付貸款利息用的交易貨幣，但我認為用業務分紅去理解這隻Token 會比較容易明白，我會在之後的文章詳細講解 CEL背後操作理念）。如果有變成股東嘅心態，CEL Token一係唔投資，一投資要去到Crypto 總資產嘅15%，即假設你有US$10,000 等值嘅BTC或其他數字貨幣，你最少要投資US$1,500 嘅 CEL Token, 從而達成CEL Token 的最優惠存款率，咁收到嘅Cel Token 利息會最正。

CEL Token可以買賣，市場需求當然沒有BTC那麼高，價格波幅也非常大，如果你睇好這個 Crypto 財仔市場，(這等於看好Celsius 的放貸業務-> CEL Token價格長遠上升）Celsius 承諾將所有放貸業務成交利潤分80% 俾財仔，假設一筆貸款交易於到期的時候Celsius 會收取$100貸款利息，佢會分返$80 俾你，咁如果相同一筆貸款交易，銀行會分返幾多俾你呢？不足10%！何能你會即刻問，咁嗰 80% - 10% => 70% 去咗邊？哦，因為銀行保証了你存入的資金可以隨時拿回，所以收了你79%的「保證金」，而「保證金」主要係用來支付燈油火蠟人工鋪租，同埋股東嘅利潤！

MCO token 你又可以當係Crypto呢間公司嘅股票，背後便是相關的生活刷咭消費去支恃。如果你相信這種消費模式有市場，咁從投資角度當然梗係繼續持有MCO Token

如果你對數字貨幣呢個市場一竅不通，會建議大家去嘗試用數字貨幣作為日常消費，攞少少錢試一試這個Crypto Spending市場。方法係直接申請一張MCO Visa Card, 買MCO token Lock 半年（現時每一個MCO 大概HK$40 左右）喺Crypto.com 交易所會鎖定利息，每次簽單消費都有 MCO Token Rebate, MCO Token （即MCO 消費貨幣），可以買賣，可以轉返入張Visa咭再消費或ATM 提款，用MCO Visa 藍/綠咭訂購Netflix 仲可以有100% MCO Token 回贈 （講真，MCO 嘅Rebate 真係無處不在......）。

MCO token 你又可以當係Crypto.com 呢間公司嘅股票，背後便是相關的生活刷咭消費去支恃。如果你相信這種消費模式有市場，咁從投資角度當然梗係繼續持有MCO Token (相信 MCO Token 的「股價」會長遠增長）。MCO Visa Card 分純消費和投資兩個方向。純消費可以申請一張入門版嘅紅咭（Ruby) 押50MCO 半年那張，投資角度我會建議申請番張藍/綠卡（Royal Indigo / Jade Green) ，有能力最好是玫瑰金卡（Rose Gold/ Icy White) 背後原因我會在之後的MCO 系列文章和大家分享。

如果用理財角度來做分析，Crypto Lending 注資方法又可以分為月供和一筆過（係咪有少少似儲蓄計劃呢？）

月供投資好簡單，每個月存錢入Celsius 買stablecoin， 現時有約8%利息，儲得幾年便可以累積到一筆唔錯嘅資產；假設月供$2000， 三年之後供了$72,000，實際回報有$81,611，肯定高過銀行啲零存整付嘅計劃。

如果承擔唔到 Crypto Lending 不同種類的風險，譬如每晚都擔心交易所會倒閉，Crypto 由始至終都是假的，國家政府不會容許有Crypto存在，搞到心跳加速瞓唔到覺，我會建議你簡單選擇買個Cold Wallet 收藏自己的Crypto Currency 算了。

如果大家手頭上有差唔多$30,000 可以用來試吓投資Crypto，咁可以考慮申請張MCO Visa Card，體驗一邊投資數字貨幣一邊消費；有Crypto實貨喺手，想財息兼收，增加每月被動收入，可以考慮Coinloan。當然市場上仲有更多不同的 Crypto Lending 方法，我就在這裏用剛才幾個比較簡單的業務模式和大家分享。

最後當然，如果承擔唔到 Crypto Lending 不同種類的風險，譬如每晚都擔心交易所會倒閉，Crypto 由始至終都是假的，國家政府不會容許有Crypto存在，搞到心跳加速瞓唔到覺，我會建議你簡單選擇買個Cold Wallet 收藏自己的Crypto Currency 算了。（最起碼你見到 Cold Wallet 呢個實物，這裏我介紹 Ledger Nano X，起碼夠靚！）總之Crypto 在今時今日是真真實實的一筆資產，要收藏或激活他們的價值，大家可以自行選擇！

感謝大家收看了「我的Crypto Lending 之旅」這五篇文章，這五篇都是給自己練練手，內容亦都非常基礎，希望大家喜歡我的寫作手法，期待在之後的文章中和大家分享自己對Crypto 這個市場更多更深入的體驗和想法!

如果想申請Coinloan可以用我的推薦碼連結

https://coinloan.io/?ref=86147199

申請Celsius 可以用我的推薦碼連結

https://celsiusnetwork.app.link/15791224a8

申請 Crypto MCO Visa Card 可以用我的推薦碼連結

https://platinum.crypto.com/r/hv4bcvzjsj

此文章為本人之個人看法和分享，文章內資料只供參考之用，

並無意構成任何投資買賣的邀約或建議

本人文章均屬原創，歡迎轉載，但請註明出處