家長日：老師的成績表

小朋友派成績表，喬喬要見家長，某程度都是派發喬喬本年度成績表之時：

1）家長A昨天寫了張「我愛你」字條給我，她今天一見我便問：「你究竟有咩魔法，令小朋友咁鍾意中文？」

我：「（嚇呆左）um......我諗係因為我自己都好鍾意中文？我真心覺得學中文應該係好好玩，所以我希望小朋友學中文係愉快中學習。」

家長：「（指指我擺機構的圖書）我都係第一次見老師買咁多書俾小朋友。」

我：「其實我興趣係兒童文學，某程度d書都係買完無位擺，覺得小朋友啱睇，所以拎返黎擺🤣🤣。」

2）家長B：「之前兩年唔係你教中文，叫親小朋友讀書，佢都拎常識書讀，但而家次次都係拎中文書讀，佢中文進步左好多。」

3）家長C：「小朋友好鍾意你尋日送俾佢既煩惱娃娃，得閒就拎出黎錫。佢去圖書館都淨係睇你介紹d書。」

4）家長D：「小朋友今年鍾意左睇書好多，佢話你成日叫佢地讀書。」

5）家長E：「小朋友話你成日講成語，叫我同佢睇多d成語書。」

6）家長F：「小朋友真係好鍾意你，見到咩鍾意都話想送俾你。」

7）家長G：「小朋友好聽你話，一話你唔鍾意就即刻唔做。」

8）家長L：「小朋友係你面前好乖，你有咩方法令佢地咁乖？」

9）尋日開小朋友IEP會，主持同事：「其實有眼見你真係好用心教，我地跟左你意見用圖卡教，小朋友中文成績高左50%。」

Um，看來喬喬今年的成績表又真係ok，但我諗小朋友/家長都真係有眼見我擺左幾多心機時間湊佢地，我教既小朋友能力唔高，但學習動機高同真係好鍾意上中文堂，我於願足矣🥰🥰❤️✌🏼😍（請容我自high一下）