駱主任係美劇忠粉？

「」或 “ ” 即係肢體動作中嘅 air quote。兩手食、中指同時舉起至膊頭旁然後重複伸直卷曲。老美劇《Friends》都有一集係講其中一低B仔 Joey 唔識 air quote 係利用字詞嚟挖苦、諷刺或一語雙關。

我眼掃描快過腦過濾。第一眼見到嘅係「一國」之間好寬鬆，「兩制」之間無位走無氣抖。然後個腦就諗點解駱先生會用公務身分嚟賀人埋堆呢？呢個大聯盟如屬本地政治組職，駱先生此舉係咪唔夠中立？定係高調地衝出嚟話畀慣用繁體字嘅人知，佢同該該煨組織係同一鼻孔出氣？

引《官場現形記》四十回：

你們一個鼻子管裡出氣，做的好事情，當我不知道。

人以群分。所以我非常支持萬分期待重未現形果啲，刻日霸返個靚位爭取一齊埋堆、擺堆。

屙篤屎都真係香啲。絲竹之音麝蘭之氣，真係羨煞旁人呀喂。

結義後就希望可以同年同月同日死。唔係咒人去死，只係太敬重佢地老而彌堅，品格情操高尚超然，有如當日關羽張飛劉備趙雲，趙雲咁先有張內部認購嘅飛去睇《三結義》呢場秀咋。

有生之年。請堅持一鼻孔出氣到一酒店出殯，唔該。