我的Crypto Lending 之旅 (3)

有沒有想過，你有一天都會變成一個財仔？

其實好多外國投資者都會將呢啲 Crypto Token 當作Preferential Share (優先股），買得優先股就預咗有息收，Hold 得愈多優先股，自然有更多Jetso。

上internet 打關鍵詞 “MCO Visa Card” 你會搜索到大量關於這張卡的玩法與優惠，用得呢張MCO Visa Card 我就梗係貪佢睇Netflix 有月費用MCO 回贈以及有免費機場候機室Lounge Pass. 當然這張卡有優惠，便有付出。與其覺得要放錢入去（MCO, CRO, CEL)「扎住啲貨」覺得不安，我哋可以用另一個心態去參與呢件事：我參考外國不同討論區，其實好多外國投資者都會將呢啲 Crypto Token 當作Preferential Share (優先股），買得優先股就預咗有息收，Hold 得愈多優先股，自然有更多Jetso (Netflix, Lounge pass, 更高利息 etc)。但係背後，我反而睇Hold呢啲Crypto Token嘅投資者亦變相成為這間交易所背後的Business Partner。

老實講，成立一間Crypto Lending交易所要用真實的貨幣，應付支出，燈油火蠟人工開支樣樣都係錢，咁究竟錢從何來？Crypto Lending 就真係可以創造啲錢出嚟營運！有乜嘢生意好得過自己「造」隻股票出來集資做生意-> 獲得盈利->再用它來分派紅股利潤？一來可以增加流通量，二來可以cap 水用作營運開支，三來做隻股票出嚟又有股價長遠增長（和炒責）機會（只要業務長遠有盈利和增長空間）一舉多得。

如果你係 Crypto Lending 交易所，你會想淨係食交易差價定係做靚自己隻「股票」嘅價格？

咁身為一個冇乜say又貪小便宜嘅小市民，用得呢張MCO Visa Card就梗係要計數，如果擦卡消費收MCO rebate, 長遠MCO股價穩定上升，某一個程度上你投資呢一間公司（股票）算得上成功，結果就係一邊消費一邊投資。但係如果你唔相信MCO 嘅價值會上升，咁你可以做乜？將啲MCO Top Up返張visa咭入面，喺ATM攞返現金，又或者換回BTC, 交易所都一定食到差價。如果你係 Crypto Lending 交易所，你會想淨係食交易差價定係做靚自己隻「股票」嘅價格？大家可以自己分析一下。

Crypto Lending 背後有一個重要嘅道理就係：你相信呢一個有抵押借貸model係Work嘅（認為唔Work 就奉勸大家盡快遠離呢個Crypto Lending嘅世界）

基本了解完 MCO Visa Card 的（消費+投資）業務發展模式，我哋再睇吓另一間Celsius：放Crypto 貨俾 Celsius 做借貸 Lending Trade, 將借貸利息和賺到嘅Commission 用自己隻「股票CEL」分成俾番你，只要你於恃倉內的CEL 比率越高，你收到 Crypto Lending 嘅利息會越靚。

喺Celsius每個投資者其實都搭埋同一條船：如果CEL 的價格長遠上升，等於我可以在業務中得到分成（大部份 Celsius 的借貸業務都是用 CEL交易）。Crypto Lending 背後有一個重要嘅道理就係：你相信呢一個有抵押借貸model係Work嘅（認為唔Work 就奉勸大家盡快遠離呢個Crypto Lending嘅世界）。自己又唔介意變相成為財仔集團其中一個（總有人道德上接受唔到自己係財仔）。

做財仔生意呢我自己就咁睇，每天你總會聽到身邊有朋友教你用什麼什麼方法，什麼什麼技巧，將手上財富增值，如何錢滾錢等等。當然，真係實行呢種想法嘅（好似買股票/買基金/買債券/買房地產etc）背後一定都有相對應的風險，所以又會有另一啲朋友出嚟，「所以咪要做風險管理囉」，「要有可控風險呀嘛」，「接受唔到風險就唔好投資啦」。Crypto Lending 我認為係一個有可控風險（有抵押）嘅情況之下錢滾錢嘅業務模式。當然，收取什麼Crypto做抵押和用那一種Crypto借出去錢搵錢，這個已經是另外一篇文章的分享了。

「我的Crypto 之旅」不經不覺寫了3篇。這個系列算是我參與Crypto Lending的入門篇。其實一邊參與學習這個市場，一邊將當中的體驗寫出來，是一件非常有趣的事情，如果大家都喜歡我這種體驗式文章，不妨俾個Like支持下！

下一篇我會和大家探討一下市場上幾間Crypto Lending 交易所（暫時我用開嗰3間）他們各自的特色或賣點。

此文章為本人之個人看法和分享，文章內資料只供參考之用，並無意構成任何買賣的邀約或建議