《幻愛》:我不介意…你呢?
IPFS
![](https://assets.matters.news/embed/7cf5dd30-3439-491f-ab2b-9f46a9d60b1b.jpeg)
李志樂為精神病康復者,葉嵐為利用性作為手段賺取利益。「我唔介意」出處於李志樂回應葉嵐被揭露用性來換取利益,同好多男人上過床。先唔討論咁樣做有無問題,因為無乜意思,因為角色點睇同點解咁理解這行為更為重要。因為葉嵐同樣受到傷害,童年被母親傷害,立志唔成為如她母親一樣的人。
當葉嵐知道李志樂知道她的黑暗面,佢要面對自己唔想面對,亦唔想李志樂知道的黑暗面,諗諗下其實只有李志樂係唔知,同埋葉嵐好似只係介意李志樂知道咁,佢咁講:我就係咁cheap,同過好多男人上床,你知道左我係咁嘅人,你就會討厭我,我唔想成為好似母親一樣咁嘅人,結果我卻成為咁嘅人。李志樂的回應係「我唔介意喎」,其實真正介意的是葉嵐。
其實點解李志樂唔介意,因為佢都係精神病康復者,面對不為外人理解的人,他們是同樣缺乏愛,同樣是身不由己。李志樂不是上帝式的唔介意,因為我無罪、 聖潔無瑕,所以我可以高高在上,我唔介意你我接納你,相反,佢係以自己係一個唔完美的人,自己和你一樣在缺乏愛、同樣身不由己的底下,我唔介意你,我接納你,沒有所謂我救贖了你,反而我們可以一同在愛中找到出口,在愛中得到救贖。
所以「我唔介意…你呢?」,首先要先接納自己的有限,自己是多麼的缺乏,我們才可以說我唔介意,如果你真係介意就唔好勉強話唔介意,因為勉強無幸福。
P.S.我終於慢慢發現葉嵐的可愛,因為之前我睇左好多蔡思韵訪問,其實我都唔理解佢同李志樂點解會鍾意葉嵐這個角色。
喜欢我的作品吗?别忘了给予支持与赞赏,让我知道在创作的路上有你陪伴,一起延续这份热忱!
![](https://imagedelivery.net/kDRCweMmqLnTPNlbum-pYA/prod/avatar/82a21c12-0b03-4cef-9600-ad8a8d1a53b6.jpeg/public)
- 来自作者
- 相关推荐