電影 - 春光乍洩

4K復刻版喺戲院播放個感覺真係好有「由頭嚟過」嘅感覺，原來個質素係可以做得咁好。

過咗咁多年再睇同一齣戲，兩粒明星碰撞擦出嘅火花仍能燒到人面紅耳赤，嗰份細膩情感令人流淚，或者會好似黎耀輝咁坐喺角落頭飲泣，因為我哋都好掛住何寶榮。

相隔廿幾年，「回歸」哩個命題由未知到經歷，重睇《春光乍洩》感受自然不一樣，離開咗何寶榮，探過台灣仔，返到香港重新面對生活，估唔到隔咗廿幾年之後，身邊嘅朋友會選擇離開，究竟回歸係一回咩事呢？

電影依然好睇，畫面依然美麗，人面雖然全非，你我感情還在。