電影 - 서울의 봄 - 12.12：首爾之春

好緊張、好緊張、好緊張，雖然已經係歷史事件一切都已有定論，但係拍得好嘅歷史電影就係會刺激緊張，場面認真之餘又有不少戲劇性嘅處理，觀眾係會一路睇一路緊張，就算你本來就係知道歷史會發生啲咩事。

無論係拍攝手法，場面調動，顏色處理，呈現1979年12月12日喺漢城發生嘅軍事政變，扭轉左未來12年嘅韓國歷史，非常之精彩嘅拍攝能力，實在佩服現今韓國電影能夠達到咁樣嘅層次，精彩。

正如全斗煥所講，鞏固政權最好嘅方法就係升晒啲廢柴上去做將軍。

非常非常精彩，極之大力推薦。