【嘆茶周圍食】久違的自助餐

《皇家太平洋酒店_柏景餐廳》
上星期想食自助餐，終於都book左今日同家人一齊食。話說疫情之前e間酒店嘅中午自助餐是我食得最多次嘅一間，今次隔咗成年再去食，我哋試吓佢質素有無點變到先🤔

首先值得一讚嘅是餐廳嘅衛生情況，一入去必需量體溫和用酒精搓手液消潔雙手就唔洗多講，場內大部分嘅食物是由專人代夾，咁就唔怕人人摸過隻餐具，減少病毒傳播，是體貼又衛生的服務🥰

食物方面有齊一般中午自助餐有嘅食物，有冷盤，熟食，刺身壽司，車仔麵，甜品等。而今次自助餐主題是「泰·尋味之旅」，當中有少量的泰式食物，例如有椰子香茅燉雞湯，泰式沙律，辣椒炒龍蝦鉗，榴槤芝士撻等。🍲🥙🥧🍰

食物質素對得上價錢，可惜食物種類不算多，叫做每個種類都有幾道菜式，酒店有名的中式點心只有兩款，Mövenpick雪糕只有4種口味，還有沒有我最喜歡的朱古力噴泉。但是綜合價錢，食物質素，refill速度，環境和服務都可以，所以趁自助餐有折扣優惠都值得一戰🤪

必食推介😋
椰子香茅燉雞湯，錦滷炸餛飩，忌廉芝士焗薯，榴槤芝士撻，窩夫，Mövenpick雪糕

有耐改變😇
鱈場蟹腳，壽司，八爪魚沙律，章魚小丸子，檸檬撻

💰 星期一至五 成人原價$338 小童原價$238 網上預訂可享65折
📍 柏景餐廳 (尖沙咀) 尖沙咀廣東道33號皇家太平洋酒店園景翼2樓