關於筆者

據研究，筆者嘅姓氏，係上古殷商十部（甲、乙、丙⋯⋯癸）中嘅一支；喺悠悠歷史長河之中，亦曾出現多位有名人物，建立過唔少寫得落CV嘅偉業。

本是理科人。2018年內蒙古石峁遺址出研究報告，比東亞任何一遠古遺址（如陶寺、良渚）都大一大截，證明蒙古曾經有一強大文明，比殷商略早，但現存文字紀錄從未提及。該研究報告對筆者造成極大震撼，現時流行嘅東亞史，明顯同事實距離極遠，筆者於是決定自己來，踏上找尋真相嘅時光之旅。

筆名「曜靈」，來自楚辭《天問》「角宿未旦，曜靈安藏？」，角宿二星，曾被上古時嘅人認為係天門，太陽昇起必經天門而出，屈原於是問太陽夜晚匿埋咗喺邊？太陽匿埋咗，唯有礪劍到天明。

有關鳥蟲書，值多講多兩句，下面摘自維基：

鳥蟲書（或稱鳥蟲文、鳥蟲篆、鳥蟲體，又名魚書），細分可分為鳥書及蟲書，係春秋中期至戰國時代盛行於東亞大陸南方嘅一種文字，常見於當時南方如吳、越、楚、蔡、徐、宋等國。《說文解字・敘》：

「六曰鳥蟲書，所以書幡信也」。

清段玉裁注：

「書『幡』謂書旗幟，書『信』謂書符節。」

考古發現《說》、段所講並非事實，鳥蟲書並非僅僅寫喺旗幟、符節上，符節上寫嘅亦唔一定都係鳥蟲書，如「（吳）大王光戈、王子於戈」、「（越）王者旨於戈上」等銘文，都係典型鳥蟲書；「（楚）王子午鼎銘」字體雖不作鳥形，但奇屈變化亦屬於鳥蟲一類。

鳥蟲書特點係其字型類似鳥蟲魚嘅形狀，故有此命名。有人將佢比擬成阿拉伯文中嘅「庫法體」。

「庫法體」係伊斯蘭書法中最古老嘅一種字體，以阿拉伯字母及早期納巴泰字母進行書寫，以伊拉克歷史文化名城「庫法」命名。

鳥蟲書證明東亞南部曾有自己嘅字體，應曾受殷商甲骨文及中東文化啓發而成。