陳師奶精選名牌銀包
上次講到陳師奶識咗年阿Charles 之後，開始醉心研究點樣入門Bitcoin
其實bitcoin 入門第一步，就係學識得點樣開個熱錢包(hot wallet)
Hot Wallet 即係代表長期連線嘅虛擬銀包
大家可以理解為類似PayMe 或者支付寶咁樣嘅app。
由你存錢入去呢app嗰刻開始，你嘅錢實質係交咗比匯豐同阿里巴巴保管，唔係喺你嘅手上。
如果呢兩間公司執笠，你只係債仔之一，要追返d錢只能夠慢慢排隊行法律程序。
至於點解大家會毫不猶豫咁放錢落去呢d平台，絕對係因為潛意識認為呢d公司有實體，有實業，有歷史，亦都係”too big to fail”, 有咩嘢事政府都會救。
但係大家必須承認一點，就係喺你作出決定相信並使用任何一間銀行或網上支付系統嘅時候，你係絕對唔清楚，亦都無打算了解呢d銀行/機構嘅經營情況。大家好單純就係選擇咗去相信。
同樣情況，你入咗落hot wallet 嘅錢(幣)係存放咗喺一個第三者嘅平台上面，市面上有無數咁多選擇，初入幣圈嘅人都會有好大困難選擇，因為市面上五花百門，各國都有公司出自己嘅錢包
大多數入門人士第一個錢包都會係
”Blockchain”錢包
呢個錢包入面係可以儲存嘅幣種選擇唔多，對入門人士來講係容易上手，算係早期相對有公信力嘅平台。公司總部位於徳國盧森堡，由2011年開始運作至今。
但係隨著時代進步，出現咗好多唔同嘅新幣種，而blockchain 支援嘅幣種嘅選擇太有限，所以好多入門人士開始會選擇用交易所平台(exchange platform)作為錢包，例如
火幣網 (https://m.huobi.com/en-us/)
幣安 (https://www.binance.com/tw)
AAX (https://www.aax.com/invite?inviteCode=3ljjWhx5wPNX)
Bakkt (https://www.bakkt.com)
Okex (https://www.okex.com/hk)
我分享一下各個平台有咩嘢background 優勢:
1. 火幣網喺2019年年底正式收歸中國國家隊，屬於第一批中國區塊鏈服務網絡發展聯盟團隊，屬於全球最多人用嘅平台之一
2. 幣安由傳奇人物趙長鵬創立，趙長鵬曾經係blockchain錢包的第三名團隊成員，屬於神級人物。由2018年起，幣安交易量方面被公認為全球最大交易所。當時中國要求加大監管要求，幣安毅然離開中國市場，轉戰馬耳他及全球其他各國開設辦事處
3. AAX（全稱：Atom Asset Exchange）是一家數字貨幣交易所，總部設於馬耳他，其技術夥伴為倫敦證券交易所集團(London Stock Exchange)。它是全球首家採用倫敦證券交易所集團的Millennium交易平台撮合引擎的數字貨幣交易所，同時為首家加入倫敦證券交易所集團合作夥伴平台的交易所。呢個平台仲有期貨買賣，對於專業投資者係一個好選擇。有大型金融老字號交易所撐腰，絕對係貴族blue blood 血統
4. Bakkt 係Intercontinental Exchange (ICE) 旗下嘅一個交易平台，喺美國標普500上市，Bakkt 投資者包括有Microsoft同 Starbucks 等知名機構
5. Okex 亦都係一間馬耳他註冊的交易平台，在2018年五月份亦都曾經創下全球最多大交易量
以上平台都係亞洲區比較知名的
各人喜好唔同，有人鐘意Hermes, 有人鐘意Chanel 又有人鐘意Agnes B. 任君選擇
提醒一點就係，開呢d錢包係好間單嘅一件事，但係當你要進行交易嘅話，平台一般都要進行KYC (Know your customer)checking, 會要求你提供個人ID資料同聯絡地址，核實身份後先可以進行交易
至於以上各個平台，陳師奶用咗邊個錢包我就唔多講，費事話我買廣告
但係我可以比d hints。
就係佢個人比較重視個人私隱，所以佢選擇咗外國大型金融機構支持嘅平台，邊間就自己諗啦
大家可以先嘗試開一個hot wallet先，下次再講解下一步點做
本文轉載自 ‘智慧社區 Wise Community’ Facebook 2020年4月27日貼文
喜欢我的作品吗？别忘了给予支持与赞赏，让我知道在创作的路上有你陪伴，一起延续这份热忱！
- 来自作者
- 相关推荐