【實測】DR.MIRACLE皮秒激光去斑療程有冇用？好唔好？推薦對我真正有效嘅去斑療程！

最近天氣正式熱喇！又係時候打斑同預防斑斑喇！

講到打斑梗係皮秒啦！

但市面上超多皮秒療程揀，而且價錢天差地別，真係令人都唔知點揀好！

今次我就試左市面上其中兩間，一間小型規模、另一間上市公司！

點解會揀呢兩間因為方便就腳，就喺我公司樓上樓下，都喺朗豪坊！

照去試做順序講左第一間先，就係DR.MIRACLE皮秒激光去斑療程

其實DR.MIRACLE人地官網正式個療程名叫Fotona StarWalker皮秒激光去斑療程

Fotona做Q-Switch即係傳統激光就聽得多，不過身邊就好似無咩人做Fotona既皮秒......

但Fotona又係外國機又老牌，其實平平地非常試得過！係會比一般市面上既熱門皮秒機更平！

DR.MIRACLE呢個皮秒激光去斑療程講到明用1064nm

我都做左少少功課，1064nm呢個波長屬於中深段就應該唔會表皮結焦甩痂

有啲人好在意會唔會結痂呢個問題，有啲人鐘意有人唔鐘意，我就無咩所謂，只要有效去到斑就得，我啲斑其實唔明顯、唔嚴重，多數雀斑同少數色沉，遮瑕一抹就咩都睇唔到，所以我覺得自己都唔洗用到咁貴既皮秒去斑療程既.....

好，廢話少講，立即睇下第一間DR.MIRACLE皮秒激光去斑既流程係點先！

DR.MIRACLE 皮秒激光去斑

環境整潔舒適度：👍👍👍👍👍/5

員工友善度：👍👍👍👍/5

皮秒打斑療程痛感：😣😣/5

皮秒打斑有效嗎：⭐⭐/5

DR.MIRACLE既環境就真係好方便就腳，而朗豪坊層層都有海景咁滯，呢樣我就無咩稀罕

DR.MIRACLE間店都係行文青溫馨風，舒舒服服環境睇落好企理......

不過我就唔敢掂佢地擺係沙發既「迎賓」大熊公仔......

淨係遠睇都覺得有太多網紅KOL化曬全妝濃妝攬住隻公仔影相，而呢隻熊仔都唔知幾耐無洗過......另外不得不提既就係，做療程前DR.MIRACLE有自家煲滋潤茶水飲，我覺得呢樣野幾好

DR.MIRACLE顧問都係話我既色斑係冰山一角（有冇覺得間間美容院都係咁講？）

雖然表面上塊面無咩色斑，好似得色素沉澱、色斑同瘡印仔，但事實上皮膚底層有好多黑色素，只要年紀一大、曬得多就會浮曬上面之類......

所以用呢個中深波長去打散皮膚真皮層既黑色素就岩架架啦！

嗯，我聽就聽左先，但DR.MIRACLE佢地呢個皮秒去斑療程究竟好唔好就要試左先知

皮秒去斑療程既過程好快，大概15分鐘度就好似打左2 round定 3 round喇！

DR.MIRACLE成個流程超簡單，瞓上床卸妝潔面完然後set機，打完10-15分鐘度就敷mask

前後大概搞左半個鐘度，打完斑除左覺得塊面某啲位泛紅同熱熱地基本上就無其他野睇既

療程無咩感覺，可以話係舒適

咁療程剩個半個鐘用黎做咩？梗係用黎sell你買Package啦！

我都明，咁大間舖頭如果個個上黎試用一次就走，要招呼幾多人先圍到皮？DR.MIRACLE梗係會想你買Plan分期！顧問落曬力說服我一做完佢地既皮秒去斑療程會睇到即時效果，睇下面色白左、毛孔即時緊緻收細好多.....

但一黎我懷疑面腫迫細左毛孔，二黎就係敷完gel mask幫肌膚補水就梗會白淨左、毛孔細左......如果你話完全無野睇我先驚啦係咪？

既然我係黎DR.MIRACLE打斑，訴求就係去斑而唔係話白淨收毛孔咁簡單

所以我都堅決話要返去至少一星期睇下去斑效果點先，無論如何而家都唔會買住架啦！

喺DR.MIRACLE你來我往打太極大概10分鐘我就走到

因為之後我被sell到唔太耐煩，佢講咩我都係嗯嗯嗯嗯問咩我都唔答（我都唔想咁無禮貌不過係被迫架）見我油鹽不進，個DR.MIRACLE顧問都認輸，最後有啲黑面咁叫我返去考慮下先......

於是去第一間試皮秒去斑就咁完成咗！

後續就係：做完DR.MIRACLE皮秒去斑既一星期之後的確係皮膚白淨左、蘋果肌飽滿左同毛孔收細左.....

但講到去斑效果真係零......色斑仲係原封不動喺個度！

我覺得可能關用既能量同波長事？總之就解決唔到我最迫切既色斑問題，感覺都有啲失望

有網友話要打表面色斑一定要結焦結痂.....如果唔係就無用？！！？真架咩？

OK，咁我就去第二間試LOL！

第2間：New Beauty PicoCure超皮秒去斑療程

環境整潔舒適度：👍👍👍👍👍/5

員工友善度：👍👍👍👍/5

皮秒打斑療程痛感：😣😣/5

皮秒打斑有效嗎：⭐⭐⭐⭐⭐/5

我去打斑既第二間就係幾出名個間 New Beauty

New Beauty最出名既地方應該係佢搵到天后Sammi代言！

本身以為佢用黎對憾雙胞胎代言個間，但之後我發現佢兩間公司唔係走同一條路線......

New Beauty係行洗腦式洗板式、鋪天蓋地賣廣告，然後奉行大件夾抵食......

咩1888/10次之類（佢地好似咩療程都係1888十次!?）

mind u

有好多人網上講話New Beauty呢個價格唔真，上到去之後有另一個「私人價」

雖然New Beauty開比你個價錢都係合理同埋比起市面偏低，但就唔會係低到去1888/10次，因為你諗都知無可能啦......咁呢樣我又唔太擔心喎，用腳趾諗都知皮秒去斑無可能平到咁，都係宣傳綽頭黎架咋，唔係有人信下話？

因為我都預左一筆錢去打斑，如果有效果既話係唔驚貴少少！

值得一提既係，因為New Beauty財大氣粗LOL，所以N多療程都係免費試做！

你想搵個唔係免費試做都難......

最後我揀左PicoCure超皮秒去斑療程，Why？貪呢個療程夠多波長揀！網友話雀斑一定要結焦呀嘛！

呢個療程係用咗皮秒+納秒激光，一共用4種唔同嘅激光波長去打斑架，感覺都係市面上最齊全啦呱？仲唔等我一口氣試曬全部波長？

New Beauty都係喺朗豪坊，環境寬闊企理唔在講，亦都有無敵大海景......

不過我日日office都係對住同一個景，的確係厭左，唔稀罕LOL

New Beauty比我既感覺係啲人係專業啲，的確就唔係街坊小作坊既感覺，唔會好親切咁叫你阿妹點點點，都係叫小姐

入到New Beauty顧問房係循例做皮膚測試，循例就話我表面色斑係冰山一角，話底層好多黑色素蠢蠢欲動緊LOL，只要遲少少，老左皮膚變薄或者多啲受曬就會跑出黎，最後盡早處理左佢先啦！

佢亦都有提到而家面上已經有曬斑浮面，會幫我全面打同重點打斑......

傾完一圈確定左方案就開始做PicoCure超皮秒去斑療程啦！

PicoCure超皮秒去斑點做？個治療師應該就係會打左納秒先再用皮秒去重點擊碎色斑既......

我感覺能量的確係比DR.MIRACLE大，因為每一下唔止感覺到微微熱，仲有橡筋彈既感覺！

尤其皮秒去斑波長愈短、愈表面就愈痛......

不過New Beauty治療師問親我，我都話可以接受，一黎真係橡筋彈咁半秒就無左，二黎的確唔係好痛，三黎就係女人梗係「要靚唔要命」，只要可以一次過清斑，痛啲都會咬牙忍左佢啦！

PicoCure超皮秒去斑療程個能量雖然明顯比DR.MIRACLE較高，但都老老實實打左三轉！

治療師到最後係逐點逐點斑同我打，佢打走既係我鼻樑上既雀斑......

我都估唔到New Beauty個治療師會咁細心、咁抵得諗，我諗呢次免費試做係真係做得過！

另一方面黎講，New Beauty佢地都真係好識做生意，真係要打到盡啲新客返去先見到效果先會買你架嘛......

循例，皮秒去斑打完大概3 round度就敷mask降溫褪紅然後就搽保濕防曬走人

New Beauty治療師比塊鏡我睇既時候當然就落足嘴頭大讚特讚啦！

不過我事實上無咩理佢講咩，第一次見到塊面出現好多好細既血痂覺得好神奇LOL

我明明聽講一般做皮秒係不會結焦，可能係因為納秒同皮秒都有打呱......

搞到我岩岩做完PicoCure超皮秒就好期待個去斑效果！

另一方面我覺得出去同個顧問傾既感覺都唔錯......

Mind u

唔等於New Beauty顧問無sell，唔sell係無可能既事，但的確顧問係比較有理有據

佢話而家同你講見到去斑效果就呃你既，你而家塊面紅紅地腫腫地，的確係咩都睇唔到，但我保證唔洗一星期，2~3日就可以甩曬所有雀斑，到時你返黎搵我買啦！

New Beauty顧問跟住都sell左一陣，不過因為佢好有信心我一定會買，所以我都好有心機去聽Package點買同幾錢，仲叫佢不如寫低比我啦，我就用手機影低佢......

之後再問多兩三樣野其實都走得。

睇人啦，可能咁岩我呢個New Beauty顧問今個月追夠KPI定點

都有少少Sell但唔多，我算係順利試曬問曬我想試想問既之後就走得！

所以出佢地New Beauty大門既時候我個心真係超Happy！覺得真心賺左！

個New Beauty顧問咁有信心，去斑結果唔洗講就梗係有啦！

我當晚返去洗臉就洗走曬啲焦，第二日起身就睇到色斑位好似「蚊賴」咁既淺灰粉色，之後好快就變淡......個下我就覺得，真係有料到喎！再係咁唔洗一星期都褪曬色斑！

結果不出所料，我原本既斑斑淡左好多，於是跟手星期六我就買左New Beauty成個PicoCure超皮秒去斑療程！

免費體驗：New Beauty PicoCure超皮秒去斑療程