Blockchain 2.0 (Ethereum)
噚日初步同大家淺談過區塊鏈同比特幣嘅"本質"同"用途"
大家可能會覺得比特幣除咗記賬之外,如果無其他功能嘅話同貝殼無乜分別。
咁試問下本身你揸住張港幣,美金同人民幣,本質其實都只係木漿+墨水印製而成嘅制品。除非綁定黃金或商品的話,其實乜價值都無
正如美金一蚊紙上面印住"In god we trust"一樣,上天話我係一蚊就一蚊。
但歷史話比我哋知,任何霸權同政權都有完結嘅一日。
而今次面對敗象並唔係單一貨幣或政權面對,而係全球一齊面對。
喺呢個咁動盪嘅時期,Smart Money都尋求出路,所以一個絕對公開同埋唔會無上限QE嘅虛擬貨幣市場開始越來越多人了解,包括睇緊呢篇文章嘅你(恭喜你比起市面上98%嘅人行快咗一步)
入返正題,正如大家對於Bitcoin/Blockchain嘅感覺一樣,都係覺得分散式記賬同不能做假既功能好似好正好勁,不過如果無其他附加功能的話,好似硬係差咁d野。
所以有個勁人-Vitalik Buterin(幣圈稱為V神)就用Blockchain 1.0技術之上開發咗第二代區塊鏈技術(Blockchain 2.0)出來, 一個應用性好高好闊嘅功能就係"智慧型合約"
喺呢度要分享少少programming嘅邏輯比大家聽。
我哋每日嘅行為(包括合約嘅執行),其實都不外符If-Then logic:
簡單而言,『以太坊』可以理解為一個技術/平台提供無數咁多份合約Template公開比大家運用嘅科技,如果份合約唔係按照住佢既定咗嘅specification/requirement,份合約係唔會執行到的。
最簡單嘅一個舉例:
你行入間麥當勞,用以太坊合約叫一個6件裝麥樂雞餐,飲可樂,跟三包茄汁同一個甜酸醬。
麥當勞跟住order執單,不過比少咗包茄汁你,以太坊嘅合約機制係唔會幫你找數比麥當勞,直至到佢比返包茄汁你。
以太坊自動會detect到包茄汁到位嘅時候就會即時過數比麥當勞。
試幻想下我哋生活每日發生幾多呢類型嘅合約?
租屋,租車,買車,船運單,銀行嘅借貸合約等等。
而當中最利害(或最缺點)的功能,就係每一個以太坊嘅合約交易係不可刪改,係絕對的,就算定立合約嘅雙方都無法改,只能履行或毀約。但係如果合約當初設定時候有漏動,係無辦法改,亦都無辦法執行一d太複雜嘅合約,因為越係複雜嘅合約,就越係要睇合約精神本質。
打個比如,麥當勞比你個麥樂雞餐本來係跟薯條,但係賣晒,職員同你口頭講話改送粟米加多個蘋果批,無論係想同意定係反對都唔重要,因為合約當初係無寫到呢個情況係點處理,所以就算你接收左個粟米同蘋果派都好,麥當勞依然係唔會有錢收。直至佢薯條聽日返咗貨,再通知你來接收後先有錢收。
當日"The DAO"運用以太坊合約時就係出現漏洞被黑客偷走(利用合約漏洞技術性擊倒)大量以太幣,所以往後以太坊團隊再進一步改良及分支咗幾條路。
呢件事件可以喺呢度睇到:
https://www.ithome.com.tw/news/107405
當中有一班信仰者唔同意V神團隊對Ethereum嘅修改,所以自行推出咗Ethereum Classic去沿用舊有標準繼續營運。
至於時至今日所有改良咗嘅以太坊合約嘅執行同埋獎勵都係透過Ethereum 以太幣去進行交易。
近日幣圈新聞最激勵人心嘅就係見到Reddit 同埋Bloomberg 網上平台都引入左以太坊技術並公開使用,絕對係一大進步
大家應該開始明白區塊鏈點樣逐佔改變大家日常嘅生活
以下仲有一d延伸閱讀可以睇睇有咩野實際可以使用嘅例子:
https://medium.com/lootex/nft-區塊鏈與虛實整合的關鍵-516fee810bb5
本文轉載自 智慧社區 Facebook 2020年4月13日貼文
喜欢我的作品吗?别忘了给予支持与赞赏,让我知道在创作的路上有你陪伴,一起延续这份热忱!
- 来自作者
- 相关推荐