路上遇到貓

根據wiki, hanon應該始於18xx年間. 一直都奇怪, 未有hanon之前, 果時d人學琴係練d乜野?再講, 果時嘅印刷術究竟有幾普及?見e家嘅小朋友, 好多都已用ipad或ipad pro黎睇琴譜了. 但學緊練緊嘅, 依然係200年前嘅hanon, 有趣 :)

影貓, 唔可以好似畫畫或擺拍咁, 你想點舞都得. 因為你永遠唔知隻貓會响邊個位出現, 同下一秒佢會做乜. 太多野响你控制以外, 所以有時會幾勞氣, 但影到時就會好開心. 當然, 呢D一切都係自我滿足, 因為人地睇相時, 根本唔會知道當刻只有2秒, 甚至只得1秒出現咁嘅畫面.

傳統傳媒, 礙於版面有限, airtime有限, 佢地只會報導佢地認為有"故事性"嘅新聞. 有"故事性", 即係唔平凡, 走向極端. 例如報導養貓老闆, 一係就極好, 可以花幾萬銀醫好隻貓. 一係就極衰, 舖頭唔做就掉隻貓出街. 久而久之, 好多野就比佢地簡單二元化.

Macy點解貓咪會purr, purr黎有乜野作用, 網上有好多唔同說法, 科學家亦未有定案. 我養5隻貓咪, 5隻都會purr, 但purr嘅節奏, 頻率同聲量, 就各有不同. Macy(兩年前走左)嘅purr, 對於我黎講, 係最特別嘅一隻.

利圖中並不唔係當事貓响social media上, 有人即影即po, 亦有人唔係. 不過, 好多人會潛意識認為人地嘅po係實時報導. 呢個有一個幾有趣嘅現象. 無話岩定錯, 我亦無意, 更無法去改變呢個現象. 有時路上遇到貓, 我會夜晚出po.

呢個通知, 我都係第一次收到. 講笑咁講, 客觀睇, 隻貓無著衫, 都算係nudity吧!當時, 系統俾左兩個選項我, 一係接受呢個指控, 一係就提出要求覆核, 不過佢又無位俾人輸入抗辯理由. 我選擇左要求覆核. 然後, 一直都無再收過facebook就呢張相嘅任何回應.

响facebook上嘅 路上遇到貓 ,我會keep住用每次po一張貓相嘅形式.而wordpress上嘅 島上遇到貓 ,就會用黎放多相嘅遊記.而响matters呢度嘅新嘗試,就用黎寫低一d我平時影貓遇到嘅趣事或瘀事.或者寫低一d影貓嘅心得分享.