德善堂中醫去暗瘡療程 V.S. Perfect Medical 暗瘡分手療程 邊個先係最Work去暗瘡方法？

中醫去暗瘡其實一直都有一派支持者，成功靠中醫搞掂暗瘡既人會覺得睇中醫好有用，但係如果睇極中醫都搞唔掂痘痘既人，自然就會覺得中醫冇料到......好坦白講，我自己都算中立既，對於中醫去唔去到暗瘡，我就冇咩特別意見，始終中醫學說源遠流長，一定有佢既道理，如果冇用，都只係可能個中醫唔夾，或者用錯方法......

點解我會咁講？梗係因為我都有試過睇中醫去暗瘡啦~雖然個次既經驗唔算太差，不過最後我都係轉咗用其他方法搞搞啲暗瘡，但係一路都見好多人對中醫去暗瘡有好多疑問，所以我都決定係到分享少少當時我睇中醫去暗瘡既經驗比大家......

當時我係去咗德善堂中醫睇暗瘡問題，德善堂都算係幾有規模既一間「醫療中心」，因為除咗睇中醫之外，佢地都仲有做生髮同facial服務，都幾全面架~咁個時我主要想睇暗瘡，所以就揀咗中醫個part……

去德善堂中醫睇暗瘡，我就係試做佢地個限時優惠既，total $599，就包一次問診、美顏針灸、1盒排毒丸，其實唔算平，一定貴過自己出去搵中醫睇，但我本身又冇睇開既中醫，所以都唔介意比貴少少，去間有啲規模既中醫中心試吓......

去到德善堂中醫，一開始都係登記填表咁樣，填返少少個人資料就坐低等，點知一等就不得了，等咗大半個鐘先至有得入去見中醫，聽啲姑娘講，好似前一個客遲到......咁就白等咗45分鐘......

入到去中醫房，個中醫冇咩點講野，一坐低就把脈、睇面色、叫我伸脷檢查......睇咗5分鐘，德善堂個中醫就話我係身體濕熱嚴重，要去濕氣，啲暗瘡先唔再生......其實佢講既中醫理論我都唔多明，咁佢係中醫專業，我唯有信佢......

之後佢幫我做美顏針灸，大部分落針位都唔太痛，但有幾個位真係痠痛到我叫出聲......未試過針灸既話，一嚟就針面其實都幾恐怖，所以我全程都係合埋眼，望唔到支針就冇咁驚.....落完針要等20分鐘先出得針，可以當係休息一吓~出完針之後，德善堂個中醫再比咗盒排毒丸我，同我講點食，然後就走得......

去德善堂中醫醫暗瘡成個過程大約30分鐘，真係等多過做......咁睇得1次、針灸得1次，我都睇唔到有咩即時效果，返去之後有食到一個禮拜排毒丸，但唔知係咪我「形住」，每日食完之後都會有少少肚瀉，冇食之後又冇事，所以我就冇再keep住食......

總結嚟講，呢一次去德善堂中醫醫暗瘡，其實唔算太差，我諗中醫呢啲真係要人夾人，可能我自己唔啱啦，而且我份人又冇咩恆心，一諗到要我每星期都去睇一次中醫去暗瘡，真係完全唔想去......

所以之後我都係揀咗第二種方法去暗瘡，就係試吓用醫美療程~我自己覺得醫美療程好似比較靠譜，全部都係用科學儀器，得唔得都好，都好快知結果~

有朋友介紹咗我去試吓Perfect Medical既暗瘡分手療程，本身聽到Perfect Medical都驚係咪黑店，好彩我朋友試過話Perfect Medical好好service，一啲都唔hard sell，我先安心上去~

第一次試做Perfect Medical既暗瘡分手療程係完全免費，上網登記就有得free trial，好方便~仲有得自選分店地點，我就揀咗旺角朗豪坊，貪佢附近多野食，哈哈！

上到去Perfect Medical，填完資料之後，等咗10分鐘，就有個職員過嚟帶我去做皮膚檢查，主要都係問吓皮膚狀況、平日點護膚、有咩生活習慣、想改善咩皮膚問題等等，呢到大約會傾15分鐘左右，放心唔hard sell的~

之後就過去治療房做暗瘡分手療程，基本動作洗咗面先會正式開始~暗瘡分手療程係用部儀器，係塊面到吸吓吸吓，有啲似aqua peel機咁樣，吸咗15分鐘，就會見到支水變到灰灰黑黑，原來係將皮膚底層啲污糟野吸曬出嚟！皮膚即時摸落都滑咗唔少~最後整多個補濕mask就搞掂！

係Perfect Medical做暗瘡分手療程，大約用咗半個鐘時間，雖然同係德善堂中醫做暗瘡療程差唔多，但係即時睇到塊面退咗紅，同埋乾爽咗好多，皮膚摸上去都平滑咗~

我多口問咗Perfect Medical啲治療師，暗瘡分手療程有冇package，佢地就話而家新客買，$1,888就可以有10次暗瘡分手療程！聽到呢個價錢，真心覺得幾抵，平時買吓護膚品都係返度，所以我就join咗10次~

跟住個2個月，我都keep住一個星期去一次Perfect Medical做暗瘡分手療程，每次做完都會覺得皮膚爽曬，唔再痴笠笠！皮膚出油都出少咗，而家可以出完街、戴足全日口罩，都只係用紙巾印一兩下就搞掂，冇再好似之前咁爆油！

最重要係啲暗瘡都出少咗，停咗冇再爆痘，而家係仲有少量痘痘未凋謝，不過都已去到尾聲~我諗做埋淨低個幾次Perfect Medical暗瘡分手療程，都應該可以回復皮光肉滑~

如果你都想快快手手搞掂啲暗瘡，真心推薦你試吓Perfect Medical暗瘡分手療程，我用咗2個月就K.O.痘痘！而家網上登記，仲可以免費試做一次添，快啲試吓啦！

免費體驗 Perfect Medical 暗瘡分手療程