<做人唔好ff太多之當我們學會愛之後>

Cha49

妳訓得好好，唔使再擔驚受怕，好耐冇試過瞓得咁好啦已經，你擘大眼仍然挨住皮皮，見到皮皮仲瞓緊，皮皮真係令妳好暖，於是妳選擇繼續扮瞓，你繼續Q皮皮挨落佢膊頭訓。

瞓多一陣妳同皮皮都醒咗。

「妳洗唔洗訓多陣？琴晚飲咗酒。」皮皮好自然掂一掂妳額頭，佢係出自關心，佢怕妳頭痛。

「我ok啦!」妳放開Q住皮皮嘅手，離開皮皮懷抱。

妳起身去洗個面，順便睇吓個電話，妳知老闆一定搵妳，心諗仆街啦今日返到去。

一陣返到屋企一定六國大封相。

「琴晚Ak揾過妳，我幫妳聽咗，我唔想佢影響到妳心情。」

「我知㗎啦！我會自己處理！」

妳一開手機，痴撚線，200幾個wtsapp，百幾個未接來電。

「皮皮，你一陣有冇嘢做有冇job?」

「我冇呀今日!」

「我返去處理完要處理嘅嘢打比你。」

「使唔使陪妳呀？」

「唔使啦！呢啲始終我哋兩個人嘅事，唔想拉埋你落水影響你哋兄弟情。」

A K啲死人性格一定唔會咁輕易了結件事啦！自己條女喎，同第二個男人過夜喎，仲要自己兄弟！

「妳記得打俾我！我等妳電話。」

「我會㗎喇！」妳去廁所洗個面，之後就返去面對妳要面對嘅事。

「皮皮！多謝你。」妳開門走。