<做人唔好ff太多之當我們學會愛之後>

Cha3.

收咗線之後，妳繼續整理屋企，作為老闆寵愛嘅女人，妳有權利同義務去幫老闆打理一切，妳陷返入回憶之中，所有事就好似琴曰發生一樣；

「我可以點做啊？江𤒹生。」妳同時用手Q住ak，挨住佢膊頭，其實妳問依條問題並唔係想佢比到任何答案妳，只係比返小小面佢，扮吓小女生等佢型吓，先交返個波比佢。

凌晨嘅淺水灣顯得特別靜，妳問完依句之後更加幽靜，除咗海浪聲，風聲，得返妳同老闆彼此嘅呼吸聲，平時好多嘢講，又衝動嘅老闆，一下子都唔知可以講咩回應妳；ak keep住黑面，若有所思突然用手一手將妳拉入佢懷抱，將妳個頭放係自己心口。

「聽唔聽到？」

「乜嘢？」

「聽真D!」ak再一次用強大嘅臂灣將妳抱得更實。

妳靜咗，ak嘅懷抱太有安全感，之前對於佢同shirley嘅懷疑，自卑感，彷彿一掃而空。

「嗯。」

係心跳，老闆嘅心跳聲，ak抱妳抱得更緊，想透過依個擁抱同自己嘅心掃走妳嘅不安。

「蠢。」ak微微一笑，一邊met你面珠，妳嘟起個咀啤住佢。

「以後唔准飲酒。」佢又嚟啦，上一秒溫柔深情，一時霸道專制，點解自己會愛上依一個咁飄忽嘅男人？

「你唔准一個wtsapp都冇，就算忙，點都要比一句wtsapp我。」其實妳完全唔介意佢一工作就遺忘妳，但！係！自！少！要！知！道！佢！身！在！何！方！作為女朋友依個要求一D都唔過分啫。

「妳知唔知女仔飲酒好危險架？仲要去酒吧！仲要著吊帶裙，有咩事蝕底比人點算？又唔係唔知自己酒量差。」老闆完全當妳說話冇到，佢對於妳去飲酒一事，仍然帶點不滿。

「你唔准咁多唔准。」妳推開咗老闆，行開咗，冇正面答覆佢，同依種男仔一切，就係要咁，唔可以太聽話，太聽話佢就覺得食硬妳，唔會珍惜，適當時候要醒水比下台階比面佢，有時又要扮吓小女生等佢滿足大男人心態，唔係點成為佢最牽掛的一個女子？

「喂！」老闆追住妳，妳終於拎返主導權。

「細個返學老師冇教妳要答人問題咩，冇禮貌。」ak啤住妳。

「有口話人冇口話自己。」妳扮鬼臉。

「咁我係唔中意自己女人比人睇蝕曬，有咩唔啱？」ak唔明，咁妳係我江𤒹生女人，我緊張妳，好正常姐，妳只係可以屬於我，有錯咩？

「我唔愛妳，都唔會管住妳啦！」ak一副我攰冇妳咁好氣，唔想再玩落去嘅樣。

「咁我要唔要著羽翁出街啊？」

「中意乜都唔著都得架，不過只係可以係我面前。」ak露出壞男孩奸笑。

-明知愛　這種男孩子　也許只能如此　

但我會成為你最牽掛的一個女子

朝朝暮暮讓你猜想如何馴服我　

若果親手抱住　或者不必如此-