评郑丰《巫王志》

郑丰文笔精练，渠慨收笔之作《巫王志》（全五册），写一个发生喺商中后期慨玄幻历险故事。当时巫术盛行，传说中西门豹遇到慨「河伯娶妻」[1]，喺当时系日常，如习惯于「华夏文宣文化」，睇完《巫》应会脑洞大开。

睇得出郑丰写《巫》前，做咗大量研究，商人慨对话，尽量用返渠哋慨文法，例如嗰啲多乜多物，就好似英文众数加「s」，又例如称呼，「妇好」「妇鼠」系唔系好似Mrs. 好、Mrs. 鼠？但仍感不足慨系，描绘当时由蛮荒向启蒙转变慨氛围，写得唔够尽，未及黄易《寻秦记》慨开头（电视剧拍唔到，出唔到街）。

唔知点解，网上随处可见《巫》卷一二三慨电子书，大家如有兴趣，可先下载试阅。

题外话：对比起作为商人奴隶人牲慨古羌人，发觉中国真系一个有人权慨国家，就算做奴隶都至少有衫着。

1. 晚商、帝辛时期已开始放弃人牲人殉，反而西周初期仍维持呢个习俗，文献中就有孔子闹人用人偶（大概意思，睇完无特别住）。