人生第一次兑换Likecoin

仲有唔够24小时，赞赏公民Web3将会正常上线。本来我就完全无打算成为赞赏公民，其实最主要都系钱问题。以前赞赏公民制度，相信大家都记得系每个月只需要支付＄5美元便可以成为赞赏公民。虽然＄5美元对我来讲唔系一个大数目，但系始终我图片变返自由工作者（即系失业），加上身体抱恙，所以决定暂缓成为赞赏公民，最少等自己身体状况好返，有能力创作先再成为赞赏公民都未迟。时间快转去到今年2月，见到赞赏公民Web3正式公布，回到最初可以用Likecoin取代现金慨年代，我就开始研究点样可以达到门槛。

老实讲当初第一次听到慨时候，其实我自己心入边已经打定输数。因为如果按照目前或者以往纪录，预计最少要20,000 Likecoin，咁佢好多前辈来讲就绝对无问题，但系对于我呢啲虽然2018已经系Matters创建ac，但系中间荒废咗咁多年慨人来讲，霎时间要搵到20,000 Likecoin绝对系天方夜谭，老实讲果下个心系有啲灰。虽然可以用Likecoin比，但系自己仲要面对唔知仲有几耐先至达到呢个门槛要求，其实都真系几失望。其实你可能会问我做乜唔用钱买Likecoin，又快又简单解决问题。容许我咁样讲，虽然我对加密货币有一定慨认识，亦唔介意俾钱，但系如果有其他方法，我唔想即刻用钱解决问题，因为我系果种唔到最后一刻，唔用钱解决唔到问题先会用钱嗰啲人，咁所以本身已经谂住放弃，反正我相信总有一日可以达到目标。

凡事总有转机，最近几日当我系度睇Matters慨时候，官方公布成为赞赏公民慨门槛大幅下降只需要5000Likecoin，霎时间我又重新觉得世界充满希望。但系遗憾慨系，截至琴日为止，我手上只有大约4600 Likecoin，距离门槛相差400 Likecoin，咁所以我就正式开始踏上我慨寻找Likecoin 之旅。

系继续支持，好多谢你留低继续睇落去，多谢。希望你都可以首先慷慨解囊，系下面拍5下手，作为继续支持我创作慨原动力，废话唔讲，继续～

咁我第一时间谂到慨当然系MyEthShop，咁就梗系谂都唔谂直接将Likecoin由Uphold转移去MyEthShop。作为第一次兑换慨新手，咁我就梗系谂都唔谂放咗入去个人钱包，结果一开始就出师不利。我系Uphold成功转移后，我不停F5都未见到MyEthShop个人钱包显示有新增余额，所以我好担心。两边页面不停F5，结果5分钟后先见到Uphold页面显示正在处理，果一下个心先定一定。大约过多5分钟后，亦都系MyEthShop见到有正在处理中慨纪录，总算可以放下心头大石，因为可以肯定我输入慨收款帐户没有错。大约等多20分钟之后就显示到成功转入，正当我怀住满心欢喜谂住兑换慨时候，突然谂起以前听人讲过，MyEthShop有最低汇出要求，之后我专登走去查，结果发现最少要10,000 Likecoin先至可以汇出，咁我就开始即刻搵有边一个交易所系唔使要10,000 Likecoin先至可以汇出。之后好彩好快就搵到Liquid，最低会出要求系500 Likecoin，而且手续费是200 Likecoin，虽然有啲高，但系以我手上持有慨BTC，最低兑换要求绝对足够。所以之后就决定系Liquid完成交易。

正如头先上面咁讲，我将我身上所有慨BTC传入咗去MyEthShop 慨个人钱包，结果又要花少少手续费转返去交易钱包，而且仲要等多20分钟。 Ok，Fine。当我自己无做足功课，当交学费。等咗20分钟之后，终于成功转到去交易钱包，之后就将手上硕果仅存慨0.0021 BTC转过去Liquid。又等多20分钟之后，终于成功系Liquid见到我啱啱传过去慨BTC。顺带一提，去到呢个时候我手上净系得返0.00195 BTC，不过要买Likecoin 绝对绰绰有余。

系兑换成Likecoin之前，我谂应该系纯粹兑换到可以成为赞赏公民慨门槛，还是将全部也兑换成Likecoin。原本我真系有谂住剩低果啲兑换做现金，但之后瞻前顾后，如果我将剩低慨BTC兑换成现金，我除咗要比兑换同出金手续费外，银行仲要收多我一次手续费，咁所以我决定将全部都兑换成Likecoin，然后再进行委托。反正委托得到慨利息，比我放喺银行慨钱利息仲要高Www

兑换过程，之后点样由Liquid 转账去到Likecoin，我相信呢啲Google大神都大班教学，甚至乎你系左边“寻找”或者右上“搜寻作品、标签、作者”会有好多唔同慨教学，咁我就唔多讲啦。

咁成功转入Liker Land之后，我就跟住Daisy 大大呢一篇文章偷步成为『最早期委托者』。 （虽然无奖，不过正所谓：执输行头，惨过败家Www）之后我就将啱啱新鲜滚热辣兑换慨3600 Likecoin进行委托，然后再将之前系其他委托转移到Civic Liker，等待21号正式成为赞赏公民。

最后，如果你手上Likecoin只有很少，如果想马上成为赞赏公民，我相信你唯一一个方法当然系要真金白银去买，因为除咗呢一个方法之外真系无可能一步登天。当然你都可以选择继续创作黎都赚取Likecoin，虽然时间会比较漫长，但系当成功达到5000 Likecoin门槛之后，我相信你当刻成就感一定会比用钱买慨快乐，期待有更多人可以成为赞赏公民。成为赞赏公民之后，大家记得记得记得听日去参加呢个活动。

其实真系好突然，完全无谂过三日之内会创作到两篇文章出黎，加埋仲要睇新车发布会，而且仲要帮朋友组装电脑，真系好眼瞓。虽然系辛苦，但系我几享受成个过程，不过我个肝已经系度投诉，我再唔休息我应该好快会又病。好啦咁就多谢大家，希望走之前都可以慷慨解囊系下面拍5下手支持我，星期六再见。どうも。