未命名

我極推崇【叫魂】一書，大總編教我認識譯者陳兼教授，並推介其新書【怎忍青史盡成灰】，書展買得即讀。歷史論述唔只講從前，仲係講今日，陳教授直言文革嘅幽靈仲阻礙中國開放改革嘅推進，必須對文革進一步作批判。

書嘅第一章講及文革前嘅歷史，特別提到胡風案嘅醜陋行徑在文革中極大膨脹，包括:

1. 針對思想定問題、大搞現代文字獄;

2. 在有罪推定基礎上，先有結論，再無所不用其極去揾「證據」;

3. 追溯以往，從歷史上追查同徹底否定審查對象。

讀到哩度我又點會唔對號入座為今日國安而哭泣？

陳教授冇否定毛澤東係理想主義者，但老土都係咁講絕對嘅權力導致絕對嘅腐敗。

誠意推介此書。