抗癌日記 (2020 年 12 月 2 日)

(深夜寫作有靈感) 交待一下近況先:

1. 禮拜一( 11 月 30 日)接受了第二次化療，感覺上沒有第一次那麼疲累，雖然回家後當然是行屍一樣，但能夠自理的項目比上星期好像多了一點。最重要的是，體重有顯著的回升，比上個星期重咗一點幾KG. Hello

2. 禮拜二 (12 月 1 日)去了PW Clinical Oncology 覆診，11:00 的期要到12:50 左右先睇到醫生，不過中間也開了一個工作上的網上會議，所以沒有甚麼損失。今次consultation 沒有甚麼特別，只是安排了第三個化療療程可以返回公家接受，因為醫生坦然，就算閣下財困，在欠缺公眾資源的情況下，等一個月其實「已經係嘥咗你」。所以，第二個療程都係唯有返愛麗斯度。

3 呢兩日接受完注射後，eye visions 好像好了一點，大約有正常的70-80 % (大約估計😅)，只是雙耳聽力麻麻，今天來回走了一圈: 粉嶺 - PW - City One - 火炭新Studio - 粉嶺，回家休息後聽力急速下降，直到半夜醒來，喉嚨一乾，飲啖水再訓，然後剛剛又扎醒，儲夠電「伸一伸」鼻涕，發現除咗鼻水之外，竟然仲有幾粒肉碎！ 我相信果啲唔係食物殘渣，而係鼻入面啲爛肉，因為「伸左出黎之後」，聽力好似好返少少，起碼我聽返左手面部放濕機放出嚟嘅聲，同右手面部較低咗Volume 播緊432 Hz Handpan Music 嘅iPad嘅聲，所以我決定起身一邊寫咗呢邊近況，再upload 自己ga matters， 一邊享受呢一刻能夠聆聽的寧靜。