IPFS 指纹 这是什么
疫流衝擊，大莊家的困局
其實香港各行各業嘅品牌代理大莊家行到今日都好苦腦
試諗吓你作為一個品牌大莊家，肯定每年都要揹超乎想像金額嘅quota，甚至乎要放低一大舊壓金係人哋公司先有得做佢總代理。如果跑唔到數都幾大鑊
香港嘅零售已經斷氣咗一年。
由上年社運去到今次疫情，冇晒國內自由行，連本地消費都減到最少
所有品牌總代理積落嚟嘅貨根本冇人可以幫佢刷得到，因為連分銷商自己積落嚟嘅貨都冇辦法處理
正所謂大難臨頭各自飛，個個都希望顧掂咗自己嘅貨先，套現救自己公司
近日朋友介紹咗一位零售業嘅龍頭大莊家搵到上門問有咩方法可以幫到佢
聽佢講完部份情況，已經戥佢非常擔心，由老闆自己親手落場跑勻全香港各地搵直播網紅帶貨，啲貨出得幾多就幾多
但係每日嘅銷量根本連佢以往每日嘅生意額十分之一都冇，根本杯水車薪
呢位有咁上下年紀嘅老闆仲肯捨棄輝煌日子嘅形象，捲起衫袖親力親為周圍咁踩，非常之難得
我同佢傾完之後諗咗d方案比佢，希望可以幫佢打通任督二脈，將手上嘅部份貨再帶到去主要客戶群手上，拯救到命懸一線嘅公司唔好死得咁慘
喺呢次會面我得出一個結論係，就係喺未來三年我諗都唔會有香港嘅新公司再可以掛牌上市。
無論係創業板定係主板，要連續三年嘅業績滿足得到上市要求，似乎都真係凍過水。
根本唔會有幾多行業可以滿足得到上市公司嘅要求
本文轉載自 ‘智慧社區 Wise Community’ Facebook 2020年7月17日貼文
