呢排興講 “貨幣戰爭”,先前美國無限印錢,美金會唔值錢變廢紙,現在 美匯指數 美金強,係 “信心的假象”。

橡樹流派財富自由大法 M Ho
·
·
IPFS
·

呢排興講 “貨幣戰爭”,先前美國無限印錢,美金會唔值錢變廢紙,現在 美匯指數 美金強,係 “信心的假象”。

睇到一篇文,當然不會開名 (我琴晚發夢夢到,如有雷同實屬巧合),節錄如下:

//

美國貨幣體系的膨脹擴充,絕大部分都在近十幾年發生,換來的卻是史上經濟增速最慢的年代。反映的是美國經濟已出現結構性損壞,寬鬆貨幣政策無法引導資金到助長經濟活動

超發貨幣的結果是,在初期會加速市場拋售美元購買資產或花費,導致利率上升、通脹加溫,然後資本被破壞,後來則會演化成通縮或滯脹,令政府債務的實際價值上升,政府也會更難在通縮環境下增加稅收,令赤字困局加速惡化

黃金價格同期只下跌5%左右,部分有商品/出口支撐的貨幣,跌幅都明顯小於美匯指數升幅。這正正反映,美元的相對強勢,主要是相對於同樣濫發貨幣的幣種而言,靠信心支撐的法定貨都體系正式面對重大危機

//

Ivan 近日在他的收費 Patreon 有講講這個主題。小弟現在用他 2個月前的免費 post 來引用

https://www.facebook.com/ivanliresearch/posts/pfbid0HV3Hz759fGMZnszVvKmqDKMzcBekGZDtQqRr1P4Wf4i5fgq5pPMKCacpdR7TU6vfl

結論,美國的確係印得最多錢,資產負債表擴張得最多,例如 對比圖中的日本歐洲最多。但是美國經濟 gdp 的規模 大個 這兩個地方幾多倍? 全世界各地印錢,對比自己的經濟規模比例,其實印得仲比美國仲多,仲狼死。

還有,美國經濟底子 比起 其他國家 更加有能力加息,所以美匯指數升,美金強。

// 回應發夢文

“史上經濟增速最慢的年代 結構性損壞,寬鬆貨幣政策無法引導資金到助長經濟活動”

上年 美國gdp 升咗 10%,現在 2022 跌 ~1%: “結構性損壞”, “電腦大爆炸”~

“超發貨幣的結果是,加速市場拋售美元購買資產或花費,利率上升、通脹加溫,資本被破壞,後來則會演化成通縮或滯脹,令政府債務的實際價值上升,政府更難在通縮下增加稅收,令赤字困局惡化”

超發貨幣 的確係會產生 通脹,但係點解 “資本被破壞”? 第2,政府處理不當的確會 演化成通縮或滯脹(最壞情況),人類歷史上有幾多次 “滯脹”? 經歷過滯脹,發達文明社會又會不會沒有政策預防?

債務價值上升? 通脹過後,銀紙貶值,債務還錢會越嚟越輕鬆,通脹係對債主不利的。十年前向銀行借錢 400萬 買樓,現在用現在的人工還錢中,還錢越嚟越輕鬆。政府更難在通縮下增加稅收,令赤字困局惡化? 如我之前所講,咪用返絕招 QE 解決。赤字惡化? 和債務價值上升一樣,通脹銀紙貶值...............

引用 Ivan: “聯儲局印銀紙大家對美金冇信心。然後而家美金係至少20年嚟最強,笑死未?”

“美元的相對強勢,靠信心支撐的法定貨都體系正式面對重大危機”

匯率本身就是相對的,美金 “強” 當然就是相對強勢。所有法定貨幣 本身定義 就是講個 “信” 字的,一直都是信心支持,有什麼 “重大危機” ? 大家經歷過 2008 後,身體還好嗎?

美國放水又會爆炸,收水同樣會爆炸,總之就會分體亡國。

美元係市場自由交易貨幣,匯率自由浮動,美國聯儲局最不關注就是匯率。美國聯儲局的工作 你可以自己 wiki 一下,或者未來再講。

近十幾年 樓市 和 股市升咗幾多? 所以老土講句: 我們係 “被逼” 去投資,銀紙放喺銀行係會不斷貶值的,尤其現在是高度金融化社會。

通脹,銀紙貶值,一直都係人類社會歷史的一部分。與其擔心美國分體爆炸,不如先擔心日本歐洲歐盟先。

究竟影印銀紙,加大貨幣供應只有冇問題? 只要未來國家的國力, GDP 增長率追上,其實沒有問題的。

“未來”? 咁即係點? 小弟認為 最後都係講 “希望” 和 “信心” 。“希望” 和 “信心” 好虛喎,沒有實數的。你可以比較一下美國和日本在這方面的情況。未來都會講講 “日本” 的特別情況。

至於美國,經歷過 二戰韓戰越戰冷戰烏克蘭戰爭,美國股市這 50年來升咗幾多倍? 我晚上睡覺睡得很好

咁即係點? 你咪當睇武俠小說一樣,(貨幣戰爭)睇得非常過癮,你唔會真係相信現實中, 真係會有 “葵花寶典” 可以練掛?

最後 Ivan’s post : “話畀你知,真正mind blowing嘅係:瑞士央行過去十幾廿年,一樣印N咁多錢。但點解瑞士通脹咁低?”

一直唔見他講瑞士,我未來可能會補上~

複製貼上:

由於這 post 極具 “個人色彩”,用字 “憤怒”,我自己 share 出去其他 group 會被 report,大家睇得過癮幫手 share 或者畀 like pls ~

有什麼問題不明白,或者想我講多一點 就問吧~

Rikas//


CC BY-NC-ND 2.0

Like my work? Don't forget to support and clap, let me know that you are with me on the road of creation. Keep this enthusiasm together!

橡樹流派財富自由大法 M Ho對沖基金出身,現靠股票維生。 此page分享個人經驗,機構大鱷睇法,投資短炒都講。心法招式,由淺入深,適合小學數學英文程度,建立屬於你嘅投資哲學和投資系統,達致財務獨立和自由。 https://linktr.ee/oakhouseresearch
  • Author
  • More

美國人玩 ai,百度又玩 ai ,為什麼股價相反發展 ?

0111 美股又就快歷史高位

美股就是好玩在有波動