IPFS 指纹 这是什么
企業革命
今次武漢肺炎疫情令到所有大中小企老闆都要面對急速轉型嘅挑戰
就近兩個月嘅觀察，中小型企業老闆成功轉型嘅機率比起大企業嚟得輕鬆
因為中小企業老闆冇咁大包袱，而且老闆年紀一般都比較年輕，將現有硬件和軟件銜接新系統相對容易同埋靈活處理
好多上市公司嘅老闆，已經年屆退休之年，滿腦子都仲係舊式工業和商業嘅營運模式，成間公司都係開國功臣，即係Old Seafood， 個個都係一本通書睇到老
當你同佢解釋乜嘢叫做虛擬世界，線上線下嘅生意掛鉤，網紅直播帶貨銷售，對於佢哋呢啲老人家來講全部都好似外太空語言咁樣，一下子接受唔到呢啲新名詞，亦都幻想唔到內容點樣執行，聽多兩聽根本冇心機，可能一腳伸你出門口，阻住晒佢諗點樣去到買多層樓收租同埋睇多兩份文匯報同大公報好過。
其實呢一次嘅機會係同時間鬥快嘅機會，越早突破既有嘅模式，越早套用新運作模式去行，你就越會成功跑出，甚至可以一統天下。如果唔係只係等死。
一間公司是否能夠成功轉型好睇以下因素：
1. 老闆有冇決心求變
2. 老闆有冇水
3. 老闆對新科技有幾了解
4. 新舊電腦系統有冇銜接困難
5. 公司老臣子是否願意從新適應新系統和新營運模式
6. 如果老臣子係改革阻力，有無決心處理
7. 公司有無留有發揮空間比年輕人
如果貴公司並無任何以上嘅條件，咁我諗你都係早啲轉工好啦，因為注定你間公司會俾人淘汰，除非佢係擁有特權或者壟斷左資源嘅公司
所以綜合以上嘅睇法，我對於中小企業同埋初創公司都非常睇好。因為佢哋包袱比較少，基本上都可以解決到以上咁多項問題
就差在有無合適嘅人去教佢點用市場上面嘅最新資源
大家如果想交流吓轉型嘅難題，不訪留言或者PM交流一下
本文轉載自 ‘智慧社區 Wise Community’ Facebook 2020年7月29日貼文
