哭股喪系列（1）：2858 易鑫集團

由於這是一篇發洩文哭股喪😢，所以用廣東話寫出嚟，敬請原諒😢

是咁的，2020年我炒左隻2858，易鑫，做賣車平台既，俾騰訊同黑馬用1.8做全面收購既。當時背景是美國上市的易車退市。

本身大陸一路推緊電動車發展，Tesla 又係大陸大搞等搞，又話新能源汽車大力發展。700係2月炒到700幾元，五菱汽車一元樓下炒到上4元、比亞迪炒到2XX,Tesla更加唔使講啦

咁你賣車一定會經唔同平台賣車。咁2858本身做汽車平台，後面又係騰訊，咪會食正條水囉。

隻2858，本身7元上市，一路割韮菜，割到1元。屍橫片野，然後用1.8做全購。一野洗太平地，揸乾晒所有貨。

2020年尾個陣我用1.6-1.8收左少少貨，炒到3.4就清晒，睇下有無位偷，點知最高上到3.9。

馬化騰、黑馬、新世界鄭志剛，個個都勁猛。人地用1.8收乾晒，牌面一定係大茶飯。點會剩係炒到3.9就收皮？

因為之後有條傻佬，打完阿里唔夠喉，之後一句話打壟斷，一句要搞數據安全，一句要搞平台經濟。你係個莊都唔敢申個頭出來炒啦

當2858落返1.4-1.5，有一日突然早上大成交，爆左一棍上去。我以為轉勢了，就在1.72買左。上年人地全購價都係1.8左右，而家買唔過份啦。但係…

所以最後咁就KO左隻潛在十倍股。人地布個局使左成廿億，又成手貨，咁就化蟹9晒了

個教訓係，就算個雞棚搭到幾靚都好，上面有條傻佬都可以一句搞死你。

你買錯輸錢，一隻最多幾十萬，但個班莊？一隻蟹左幾百億

利申：本人在1.72持有🥲🥲🥲