發噏瘋

對於住喺新界最北嘅人嚟講，以前從來唔知邊度係告士打道，
聽咗咁多年《下一站⋯天后》，都唔知邊Pair先係百德新街的愛侶
唔知皇室堡開咗GU，都唔知銅鑼灣IKEA開喺邊個位⋯
直至近年，連銅鑼灣DONKI都開埋，
每次搭親港島藍色線，都有種惘然若失
我諗起，遮打花園集氣嗰晚、油尖旺嗰場困獸鬥、修頓球場碗車仔麵、跑馬地碗牛丸米，同埋維園落嘅一場狗屎⋯

同時間，同身邊Close嘅人發生緊一場又一場嘅疏離、分離，甚至別離。

成日話未到最後一刻都唔會放棄
但原來「最後一刻」永遠都係突如其來，
冇時間畀你防備，會好受傷，
年幾以嚟，同一個地方，同一個人，驟眼睇未必變咗好多，但意義上，早已經唔再一樣。