My little detour - 《Uxmal果然靚啲又好行啲》

呢間hostel其實靚同spacious嘅， 但衰在廁所門鎖係壞嘅， 去廁所同沖涼都要提心吊膽， 而另一個問題係太多蚊。 係dinning area食餐飯的同時， 自己亦比蚊開餐。 所以今朝7點幾食早餐的時候， 我都係夾過去reception嗰邊食， 雖然都有但無咁多。 

係大廳一邊叉電一邊上網，問左朋友對於我隻腳傷有咩comment, 佢話就咁睇應該keep住清潔就ok。 另外仲終於比我聯絡到去Celestun的tour contact guide，而我明天會搭早上8點車去參加佢個tour。 跟住我再烚多幾隻蛋同預備lunch (蕉、 蛋糕、飲品); 同墨西哥男仔傾多2句就落樓， 再同reception交待住多晚後就出發。 我差不多10:15am先出門口， 10:30am先到車站， 好險， 下次都唔好預咁忟。

去程遲左5分鐘先開車， 要差不多1個鐘頭40 分鐘先到Uxmal。

落車慢慢行入去， 呢到平過Chichén Itza, 入場總共413 peso。 買完飛去個廁所就開始參觀。 呢到我覺得壯觀而且大好多，ruins都多好多組， 雖然我唔多知咩殿打咩殿， 不過我覺得呢到好舒服好好行， 仲可以細心睇， 有的地方仲可以行上個ruins的樓梯望添！

差唔多2點15分已行完出返嚟， 再買左3張post card (24 peso)就出去等車。 我同好多人一樣都係等緊3:15 pm的車， 分別係佢地本身已買回程飛， 而我...只係得76 peso在手， 我好驚full左我無得上車。 最後等到3:30pm架車先到， 今次唔使個半鐘就可以返到。 由於明天準備搭8點車去Celestun, 所以買定去程張巴士飛 （60peso) 。時間尚早， 我當然去post office走一趟。 原來我錯了， 琴日望嗰個係另一office, 郵局門口係隔離， 佢今日收5點， 我就係遲左嗰15分鐘😪

無法， 唯有又買2隻蕉安慰自己。 不過今日佢收5 peso, 我話唔係喎， 明明琴日4 peso 2隻， 於是， 佢又比我有呢個優惠🤣。行完去藥房買繃帶 （10.5 peso)後， 再行去超巿， 點知中途落狗屎， 我成身裹裹外外都濕晒， 仲要澗水的水真係冚過晒鞋面。 我行行下佢仲行雷， 我入左間鋪仔避雨， 佢地好好人， 無趕我走。 細雨少少我就行返去超巿， 大雨到入面都漏水。 我買左一粒蕃茄， 一粒lime, 一枝檸檬水同洗衣梘就返去了。

成身濕晒， 都唔知對鞋明天乾唔乾得切， 除鞋發現自己受傷的腳小腿以下腫左少少， 開始驚驚地添！ 我快脆食埋個晚飯 （牛油果， 哈蜜瓜， 香蕉， 但唔敢煮蛋住）就係到打文了。 諗諗下問定邊到有醫生睇好似好d, 當我問完recept姐姐後， 佢竟然話我聽佢都有比電單車辣親的經驗， 仲比個印我睇。 然後仲攞左枝藥膏幫我搽， 佢仲要洗完手先幫我親手塗， 邊有咁sweet架！今日早的沖涼早的瞓先。

已用： 843.5 peso 

413 peso - uxmal entry fee

24 peso - 3 postcard

76 peso- return bus from uxmal to merida

60 peso - bus ticket from merida to celestun

4 peso - 2 bananas

10.5 peso 繃帶

127 peso 1 night hostel

29 peso 洗衣梘， 果味水， 細蕃茄， lime