說好香港故事

細個時聽人講去外國旅行係為咗增廣見聞，認識不同地方的風土人情，坦白講，一兩個禮拜，又真係可以認識幾多丫？

大個出來做野，同朋友去咗兩星期法國，期間有4日去咗Taize呢個小鎮。Taize有一個地方全年開放俾來自不同國家基督徒青年(包天主教及不同基督教宗派) 静修。

青年又點會静，所以在沒有活動的時候，大家都會坐埋一齊談天說地，似乎係時候認識其他國家的好機會。

從信仰到香港食物，我所講的當然是香港故事，之後同一群德國人談大家的語言，佢地講在上堂或者同人交談時，如果聽到唔識既野，都記住個發音，之後用拼音方法，串番個字出來，之後查字典或者上網搜尋，去學番佢。之後問我地廣東話加中文唔係表音文字，可以點做？

可以點做？我當時真係唔識，冇諗過日用夜用既廣東話，全有咁既限制。想不到離開一兩個禮拜旅行，說香港故事時，反而令我更認識香港各種獨特的地方，產生新的想發去改進限制(我用廣東話輸入法去搵個字出來去搜尋), 為未來說更好的故事。

當我地唔係去一兩個禮拜，而係去一個未知歸期的旅程時，有冇借呢個機會去認識更多的香港，為未來說更好的故事呢？